BAKI,VOA,Yusif Şərifzadə
İran Ali Milli Təhlükəsizlik Şurası katibinin müavini Qədir Nizami bildirib ki, ABŞ ilə aparılan danışıqlara baxmayaraq, ölkənin hərbi qüvvələri yüksək hazırlıq vəziyyətindədir və istənilən təhlükəyə cavab verməyə hazırdır.
VOA xəbər verir ki, Nizami bu barədə təhlükəsizlik mövzusunda keçirilən görüşlər zamanı açıqlama verib.
O qeyd edib ki, ABŞ və İsrail son bir il ərzində sülh danışıqları fonunda İrana qarşı iki dəfə hücum həyata keçirib və bu, Tehran üçün etimadsızlıq mühitini gücləndirib.
Rəsmi bildirib ki, İran diplomatik proseslərə açıq olsa da, eyni zamanda milli təhlükəsizliyini təmin etmək üçün hərbi hazırlığını davam etdirir.
İranın Hindistandakı səfirliyi isə Qədir Nezaminin Çin Xalq Respublikasının nümayəndələri, o cümlədən xarici işlər naziri Van İ ilə Yeni Dehlidə görüşdüyünü əks etdirən fotolar yayıb.