BAKI,VOA, Fərid Mikayılov

İran ilə ABŞ arasında müzakirə olunan 14 maddəlik memorandum layihəsinin yeni təfərrüatları məlum olub.

VOA xəbər verir ki, İranın rəsmi xəbər agentliyi IRNA-nın yaydığı məlumata görə, Tehran administrasiyası strateji əhəmiyyət kəsb edən Hörmüz boğazının idarəçiliyinin devri ilə bağlı qarşı tərəfə heç bir öhdəlik və ya zəmanət verməyib.

İran mətbuatının yazdığına görə, boğazın idarəçiliyi və təhlükəsizliyi məsələsi beynəlxalq müstəvidə deyil, regional çərçivədə həll olunacaq. Bu məqsədlə Tehran ilə Oman arasında birbaşa dialoq qurulması və qərarların birgə qəbul edilməsi planlaşdırılır.

Digər tərəfdən, hazırda masada olan mövcud sənəd mətnində nüvə proqramı (nüvə dosyası) ilə bağlı hər hansı yekun razılaşma əldə olunmayıb. Bildirilib ki, nüvə məsələsinin gələcəyini müəyyən edəcək əsas və rəsmi danışıqlar yalnız bu 14 maddəlik memorandum imzalandıqdan sonra başlayacaq. Həmin kritik müzakirələrin isə rəsmi imzalar atıldığı gündən etibarən 60 günlük müddət ərzində reallaşdırılması nəzərdə tutulur.