BAKI,VOA Yusif Şərifzadə
İranın hüquqi və beynəlxalq məsələlər üzrə Xarici İşlər Nazirinin müavini Kazım Qəribabadi ABŞ prezidenti Donald Trampın dünən İrana planlaşdırılan hücumu təxirə saldığını bildirdiyi paylaşımına münasibət bildirib.
VOA xəbər verir ki, Kazım Qəribabadi X sosial şəbəkəsində yazıb: “Lakin eyni zamanda, istənilən an genişmiqyaslı hücuma hazır olduqlarını da deyirlər. Bu isə ‘təhdid’i ‘sülh fürsəti’ adı ilə təqdim etmək deməkdir”.
O əlavə edib: “İran birlik və qətiyyətlə istənilən hərbi təcavüzə qarşı durmağa hazırdır”.