BAKI,VOA Yusif Şərifzadə
ABŞ Energetika nazir Kris Rayt bildirib ki, Çin İran neftinin əsas alıcılarından biri olsa da, müharibə fonunda ABŞ-dan daha çox xam neft almağa meyilli ola bilər.
VOA xəbər verir ki, Rayt CNBC-yə müsahibəsində qeyd edib: “Onlar məncə ABŞ neftini artan miqdarda almağa davam edəcəklər.”
O əlavə edib ki, qlobal bazarlar üçün əsas məsələ Fars körfəzinin açıq qalmasıdır: “İranın bütün dünyanı girov saxlamaq cəhdi müvəqqətidir və insanlar bunun belə olduğunu bilir.”
Rayt vurğulayıb ki, vəziyyətin normallaşma müddəti əsasən İrandan asılıdır: “Bu, böyük ölçüdə İranın qərarlarından asılıdır.”
Nazir həmçinin deyib ki, istənilən halda İranın nüvə proqramına son qoyulacaq və Hörmüz boğazı vasitəsilə ticarət axını sərbəst şəkildə davam edəcək. Onun sözlərinə görə, bu, İranla razılaşma əldə olunarsa nisbətən qısa zamanda baş verə bilər.