BAKI,VOA Orxan Qədirzadə
İranın Ali Rəhbəri Müctəba Xamenei Hörmüz boğazı və Fars körfəzində regional balansın dəyişdiyini bəyan edib.
VOA xəbər verir ki, o, ABŞ-ın bölgədəki planlarının uğursuzluğa düçar olduğunu və regionun yeni bir mərhələyə qədəm qoyduğunu bildirib.
Xamenei çıxışında ABŞ-ın bölgədəki hərbi mövcudluğunu kəskin tənqid edərək, Vaşinqtonun öz mütəffəqlərinə təhlükəsizlik vəd etməsinə baxmayaraq, əslində gərginliyin əsas səbəbi olduğunu vurğulayıb. O qeyd edib ki, ABŞ-ın Fars körfəzi ətrafındakı bazaları zəifdir və hətta öz təhlükəsizliyini təmin etmək iqtidarında deyil.
İranın Ali Rəhbəri Hörmüz boğazının gələcəyini kənar güclərin, xüsusilə ABŞ-ın müdaxiləsi olmadan gördüyünü qeyd edib. "Hörmüzdə yeni bir səhifə açılır. Bölgə xarici qüvvələrin varlığı olmadan daha parlaq və təhlükəsiz gələcəyə sahib olacaq", - deyə Xamenei əlavə edib.