Türkiyənin xarici işlər naziri Hakan Fidan ABŞ və İran arasında müharibənin dayandırılması üçün kifayət qədər siyasi iradənin mövcud olduğunu bildirib. Onun sözlərinə görə, tərəflər arasında daimi razılaşma mümkündür və gərginliyin artması həm regional sabitlik, həm də qlobal iqtisadiyyat üçün ciddi risk yaradır.

İranın Ali Rəhbəri Müctəba Xameneyi Hörmüz boğazı və Fars körfəzində regional balansın dəyişdiyini bəyan edib. O, ABŞ-ın bölgədəki planlarının uğursuzluğa düçar olduğunu və regionun yeni bir mərhələyə qədəm qoyduğunu bildirib.

Səudiyyə Ərəbistanı Müdafiə Nazirliyi Pakistan İslam Respublikasından gələn hərbi hava qüvvələrinin ölkənin şərq bölgəsində yerləşən Kral Əbdüləziz Hava Bazasına çatdığını bildirib. Bu addım iki ölkə arasında imzalanmış Birgə Strateji Müdafiə Müqaviləsi çərçivəsində həyata keçirilir.