BAKI,VOA

Beynəlxalq Enerji Agentliyinin (BEA) rəhbəri Fatih Birol Yaxın Şərqdə davam edən böhranla bağlı həyəcan təbili çalaraq, hazırkı vəziyyəti "təhlükəli" adlandırıb. Birolun sözlərinə görə, mövcud böhran 1970-ci illərdəki hər iki neft krizisinin cəmindən daha ağırdır.

VOA xəbər verir ki, Birol yaranmış qlobal enerji problemlərinin yeganə və ən optimal həllinin Hörmüz boğazının yenidən tam şəkildə naviqasiyaya açılması oldğunu bildirib.

“Boğazın bağlı qalması dünya bazarında neft tədarükü zəncirini qıraraq görünməmiş fəsadlara yol açır. Vəziyyət tələb edərsə, bazardakı kəsiri aradan qaldırmaq üçün strateji neft ehtiyatlarından daha böyük həcmdə istifadə edilə bilər. Lakin ehtiyatların sərbəst buraxılması üçün konkret bir qiymət həddi müəyyən edilməyib; bu, tamamilə tədarükün vəziyyətindən asılı olacaq ”-deyə o qeyd edib.

Qeyd edək kiə, müharibənin təsirləri artıq qitələri aşmağa başlayıb. Birol xüsusilə Asiya ölkələrində yanacaq çatışmazlığının getdikcə dərinləşən bir problemə çevrildiyini vurğulayıb.

BEA rəhbəri sonda qeyd edib ki, qlobal iqtisadiyyatın tamamilə çökməməsi üçün bu vəziyyətin ən qısa zamanda diplomatik və ya praktiki yolla həll ediləcəyinə ümid edirlər.