İranın ali rəhbəri Müctəba Xameneinin hərbi rəhbərlərlə görüşdə ilk dəfə açıq şəkildə görüntüləndiyini iddia edən video sosial şəbəkələrdə geniş yayılıb. Araşdırma isə videonun yeni olmadığını, təxminən 4 il əvvəl çəkildiyini və hərbi toplantı ilə əlaqəsinin olmadığını göstərib.

İranın Ali Məhkəmə rəhbəri Qulam-Hüseyn Möhsüni Ejei ölkənin düşmənin planlarına qarşı ayıq-sayıq olmasının vacibliyini bildirib. O, İranın “hibrid müharibə” şəraitində arxayınlaşmamalı olduğunu deyib. Ejeinin sözlərinə görə, qələbənin əsas açarı birlik və ali rəhbərin ardınca getməkdir. İran rəsmisi ABŞ-ın İran İslam Respublikası üzərində məğlubiyyətə uğradığını iddia edib. Onun sözlərinə görə, bundan sonra ABŞ-la müttəfiq ölkələrin rəhbərlərinin İranın gücü barədə təsəvvürləri dəyişib. Ejei İranın siyasi və ictimai birliyinin mühüm əhəmiyyət daşıdığını vurğulayıb. O, düşmənin ölkəyə qarşı müxtəlif istiqamətlərdə təzyiq göstərməyə çalışdığını bildirib. İran rəsmisi ölkənin bu təhdidlərə birlik şəraitində cavab verməli olduğunu qeyd edib.

İranın ali rəhbərinin ofisinin siyasi müşaviri Rəsul Sənai-Rad ölkəsinin mümkün yeni müharibədə daha sərt davranacağını bildirib. O, İranın son müharibədə müqavimət göstərdiyini və gələcəkdə daha güclü mövqe nümayiş etdirəcəyini deyib. İran rəsmisi ölkənin “düşməninin” iqtisadi təzyiqlərlə daxili parçalanma yaratmağa çalışdığını iddia edib. Onun sözlərinə görə, bu strategiya uğursuz olub. Açıqlama İran-ABŞ arasında gərginliyin davam etdiyi bir vaxtda verilib.

İranın xarici işlər naziri Abbas Əraqçi bildirib ki, fevralın 28-də başlayan Amerika və İsrail hücumları hakimiyyətin ən yüksək səviyyələrində hələ də davam edən bir “təhlükəsizlik boşluğu”nun mövcudluğunu üzə çıxarıb. O qeyd edib ki, bu nüfuz etmə təkcə məlumatların sızdırılması ilə məhdudlaşmayıb. Bu problem həm də qərarların qəbul edilməsi prosesinə təsir göstərməyə qədər uzanıb. Eyni zamanda idarəetmə təsisatları daxilindəki psixoloji ab-havanı yönləndirməyə qədər genişlənib.

İranın ali rəhbərinin baş müşaviri Əli Əkbər Vilayəti ABŞ-ni Fars körfəzində gərginliyin yenidən artmasında günahlandırıb. O bildirib ki, Donald Trampın müvəqqəti anlaşmanın ləğv olunduğunu açıqlaması bölgədə vəziyyəti daha da gərginləşdirib. Vilayəti İranın daha əvvəl də bölgənin siyasi qarşıdurma meydanına çevrilməsinə qarşı xəbərdarlıq etdiyini xatırladıb. Onun sözlərinə görə, istənilən sərgüzəştçi addım dərhal cavablandırılacaq. Baş müşavir İranın hər an cavab verməyə hazır olduğunu bildirib. O vurğulayıb ki, Tehran təhqir və hərbi təzyiq qarşısında geri çəkilməyəcək. Vilayətinin açıqlaması ABŞ ilə İran arasında qarşılıqlı ittihamların davam etdiyi bir vaxtda səsləndirilib.

Tehranda İranın mərhum ali lideri Əli Xameneinin vida mərasimi başlayıb. Mərasimin ilk günündə xarici nümayəndə heyətlərinin iştirakı nəzərdə tutulur. İran KİV-lərinin məlumatına görə, ölkənin Ali Lideri ilə vida mərasimi iyulun 3-dən 9-dək davam edəcək.

“Boğazın bağlı qalması dünya bazarında neft tədarükü zəncirini qıraraq görünməmiş fəsadlara yol açır. Vəziyyət tələb edərsə, bazardakı kəsiri aradan qaldırmaq üçün strateji neft ehtiyatlarından daha böyük həcmdə istifadə edilə bilər. Lakin ehtiyatların sərbəst buraxılması üçün konkret bir qiymət həddi müəyyən edilməyib; bu, tamamilə tədarükün vəziyyətindən asılı olacaq ”-deyə o qeyd edib.

ABŞ ilə İraq arasındakı münasibətlərin gələcəyi hazırkı geosiyasi vəziyyətdə qeyri-müəyyən olaraq qalır

Eyni şəkildə HƏMAS da ideologiyanı dövlətin və xalqın üzərinə qoyduğu üçün uduzdu.

İran 13 iyundan bu yana hücumlara cavab olaraq İsrailə 370 ballistik raket göndərib və 30 nöqtəni vurub.

Həmçinin, İranın nüvə proqramına rəhbərlik edən fiqurlar və İranın Ali Dini Lideri Əli Xameneinin milli təhlükəsizlik müşaviri Əli Şəmxani də hücumların hədəfində olub.

İranın Ali Lideri Ayətullah Seyid Əli Xameneinin müşaviri, admiral Əli Şəmxaninin vəziyyəti ağır olaraq qiymətləndirilir.