BAKI,VOA, Nailə Babazadə
İran Atom Enerjisi Təşkilatı ABŞ və İsrailin Nətənz nüvə obyektinə qarşı hücum həyata keçirdiyini elan edib.
VOA xəbər verir ki, təşkilatın rəsmi sosial media hesabından verilən məlumatda bildirilir ki, uranın zənginləşdirilməsi fəaliyyətləri üçün kritik əhəmiyyət kəsb edən "Şəhid Əhmədi Ruşən" Nüvə Mərkəzi ABŞ və İsrail tərəfindən hədəf alınıb. Bəyanatda bu hərəkətin beynəlxalq öhdəliklərə məhəl qoyulmadan reallaşdırıldığı vurğulanıb.
İran Atom Enerjisi Təşkilatı hücumdan sonra aparılan texniki araşdırmalara əsasən, nüvə obyektində hər hansı radioaktiv sızmanın baş vermədiyini açıqlayıb. Məlumatda həmçinin qeyd olunub ki, bölgədə yaşayan əhali üçün heç bir təhlükə mövcud deyil.