BAKI,VOA, Nailə Babazadə

Şənbə günü Papa Leo dünya miqyasında milyardlarla insanı sülhü qəbul etməyə, "sevgiyə, təmkinli olmağa və sağlam siyasətə yenidən inanmağa" çağıraraq, müharibə tərəfdarlarını kəskin tənqid edib.

VOA xəbər verir ki,Yaxın Şərqdə davam edən şiddətli münaqişəni dayandırmaq üçün etdiyi ən ehtiraslı müraciətlərindən birində Amerikalı Papa, "tarixin bu dramatik anı ilə birlikdə üzləşmək üçün" imana ehtiyac olduğunu bildirib.

Müqəddəs Pyotr Bazilikasında sülh üçün keçirilən dua mərasimində Papa Leo: "Nəfsə və pula sitayiş yetər! Güc nümayişi yetər! Müharibə yetər! Əsl güc həyata xidmət etməklə ölçülür," — deyə müraciət edib.

Dünyadakı 1,4 milyard katoliikin rəhbəri olan 70 yaşlı Leonun adəti üzrə təmkinli və alçaq tonla söylədiyi bu fikirlər, buna baxmayaraq, qlobal miqyasda alovlanan münaqişə dalğasına qarşı indiyədək etdiyi ən sərt tənqidlərdən biri kimi qiymətləndirilib.

"Əziz bacı-qardaşlar, dövlət rəhbərlərinin üzərinə mütləq şəkildə öhdəliklər düşür. Onlara səslənirik: Dayanın! İndi sülh vaxtıdır! Silahlanmanın planlaşdırıldığı və ölümcül qərarların verildiyi masalar arxasında deyil, dialoq və vasitəçilik masası arxasında əyləşin!"

Əslən Çikaqodan olan Papa, əvvəllər də etdiyi kimi, çıxışında konkret siyasətçilərin adını çəkməyib və xüsusi bir ölkəni hədəf göstərməyib.