BAKI, AzerVoice
Qəzzada İsrailin hücumları nəticəsində həyatını itirən jurnalistlərin sayı 215-ə çatıb.
AzerVoice xəbər verir ki, İsrail
ordusunun Qəzza zolağının cənubundakı Xan Yunus şəhərində yerləşən
Nasser xəstəxanasına təşkil etdiyi hücum nəticəsində biri jurnalist
olmaqla iki fələstinli həyatını itirib.
Həlak olanlardan biri “Aləm24” xəbər agentliyinin direktoru, daha
əvvəl yaralanaraq xəstəxanada müalicə alan Həsən Əbdülfəttah
İslihdır.
Qəzzadakı Media Ofisinin yaydığı açıqlamada 7 oktyabr 2023-cü ildən
bu yana öldürülən jurnalistlərin sayının 215-ə yüksəldiyi
bildirilib. Hücumlarda tibb işçiləri və xəstələr də xəsarət
alıb.
Qeyd edək ki, Qəzzadakı səhiyyə müəssisələrinin hədəfə alınması beynəlxalq hüququn pozulması kimi qiymətləndirilir. Fələstin rəsmiləri bu hücumların həm media, həm də səhiyyə işçilərinə qarşı sistematik cinayətlər olduğunu vurğulayaraq beynəlxalq ictimaiyyəti məsuliyyətli davranmağa çağırıblar.