Bakı. AzerVoice:
İsrail ordusunun Qəzza şəhərinin Zeytun məhəlləsində bir evə təşkil etdiyi hücumda aralarında qadın və uşaqların da olduğu 10 nəfər həyatını itirib.
AzerVoice xəbər verir ki, bu barədə Qəzza şəhərinin Əl-Əhli Baptist Xəstəxanasının səlahiyyətliləri bildirib.
Hücumdan sonra aralarında qadın və uşaqların da olduğu 10 ölü və çoxlu yaralı Əl-Ehl-i Baptist Xəstəxanasına gətirilib.
Şahidlərin sözlərinə görə, İsrailin bombardmanı bölgədə şiddətli partlayışa səbəb olub.
Hücumdan sonra əraziyə gələn sağlamlıq və mülki müdafiə qrupları bombalanan evin və ətrafdakı binaların dağıntıları altında axtarış-xilasetmə işlərini davam etdirib.
Qeyd edək ki, Qəzzanın Səhiyyə Nazirliyi bildirir ki, Qəzzada 3 mindən çox fələstinli öldürülüb və 2,3 milyon əhalisinin əksəriyyəti evlərini tərk etmək məcburiyyətində qalıb.
Nazirlik öz sayında mülki şəxslər və döyüşçülər arasında fərq qoymur, lakin qadınların və uşaqların ölənlərin üçdə ikisini təşkil etdiyini bildirir.
İsrail dinc sakinlərin ölməsində HƏMAS-ı günahlandırır, çünki yaraqlılar sıx yaşayış məntəqələrində döyüşürlər.
İsrail heç bir sübut təqdim etmədən 13 min HƏMAS döyüşçüsü öldürdüyünü bildirib.
Hafiz Rufizoğlu