Bakı. AzerVoice:

İsrailin blokadası səbəbindən Qəzza zolağında ən azı 3500 uşağın aclıqdan ölmək riski ilə üzləşdiyi bildirilir.

AzerVoice xəbər verir ki, İsrailin Qəzzaya hücumları və blokadası səbəbindən bölgənin hər yerində şiddətli aclıq və qıtlıq hökm sürür.

Bölgədəki mülki əhalinin həyatlarını davam etdirə bilməsi üçün lazım olan humanitar yardımlar İsrailin blokadası səbəbindən bölgəyə çata bilmir.

Göndərilən yardımlar yetərli olmadığı üçün Qəzzada uzun müddətdir aclıqdan ölüm halları yaşanır. Aclıqdan xüsusilə körpələr, uşaqlar, qocalar və xəstələr əziyyət çəkir.

Qəzzadakı Hökumət Media Ofisi, İsrailin ac buraxma siyasəti səbəbindən bölgədə 3500-dən çox fələstinli uşağın ölüm riski ilə üzləşdiyini bildirib.

Bəyanatda qeyd olunub ki, beş yaşınadək uşaqlar kəskin qida çatışmazlığından əziyyət çəkirlər və yoluxucu xəstəliklərə məruz qalırlar.

İsrail tərəfindən yardımların blokadaya alması qida, süd, qida əlavələri və peyvənd çatışmazlığına səbəb olduğu da vurğulanıb.

Oktyabrın 7-dən bəri Qəzzada aclıq və susuzluq nəticəsində ən azı 37 nəfər ölüb. Onların əksəriyyəti körpədir.