BAKI, VOA, Nailə Babazadə
2026-ci ilin yanvar ayında Türkiyədən Misirə polad ixracı 2025-ci ilin eyni dövrü ilə müqayisədə 70,9 faiz artaraq, 49 milyon 14 min 8 dollara bərabər olub.
Bu barədə VOA-a Türkiyə Ticarət Nazirliyindən məlumat verilib.
Qeyd edək ki, 2026-ci ilin yanvar ayında Türkiyənin polad ixracı ötən ilin eyni dövrü ilə müqayisədə 12,9 faiz azalaraq, 1 milyard 84 milyon 607 min dollara bərabər olub.
Nazirlikdən onu da bildiriblər ki, son 12 ay ərzində (yanvar 2026 - yanvar 2025) Türkiyə 16 milyard 381 milyon 111 min dollar məbləğində polad ixrac edib.
Qeyd edək ki, 2025-ci ilin yanvar-dekabr aylarında Türkiyənin polad ixracı ötən ilin eyni dövrü ilə müqayisədə 2,5 faiz artaraq, 16 milyard 541 milyon 573 min dollara bərabər olub.