Bakı, AzerPress:
Bu gün Qəzzada jurnalistlərin öldürülməsinə səssiz qalanların sabah başqa mövzuda danışmağa haqqı yoxdur.
AzerPress xəbər verir ki, bu sözləri Türkiyə prezidenti Rəcəb Tayyib Ərdoğan “TRT World Forum 2023”-də çıxışı zamanı deyib.
"İsrail Qəzzada təkcə qadın və uşaqları deyil, çox çətin şəraitdə öz vəzifəsini yerinə yetirməyə çalışan mətbuat nümayəndələrini də öldürüb və öldürməyə davam edir. İsrailin hücumlarında həyatını itirən jurnalistlərin sayı 70-dən çoxdur. Dünyanın məşhur media qurumları nə üçün bu barədə xəbərlər hazırlamırlar? Qlobal media kartelləri Qəzzada baş verən vəhşiliklərə göz yummağa və HƏMAS-ı bəhanə edərək jurnalistlərin qətliamını qanuniləşdirməyə çalışırlar. Bu gün Qəzzada baş verənlərə səssiz qalanların sabah başqa bir məsələ ilə bağlı danışmağa haqqı olmayacaq. Önəmli olan bu gün danışmaq, bu gün yazmaq, bu gün həqiqəti söyləməkdir. Türkiyə media orqanları bunu etməyə və buna nail olmağa çalışır", - deyə o vurğulayıb.