BAKI,VOA Orxan Qədirzadə

Türkiyə Milli Müdafiə Nazirliyi (MSB) Qəzzaya humanitar yardım aparan "Qlobal Azadlıq Donanması"na İsrailin müdaxiləsi, 3-cü Ana Şırnaq Hava Baza komandanının vəzifədən uzaqlaşdırılması və Aralıq dənizindəki hərbi hərəkətliliklə bağlı genişmiqyaslı bəyanat yayıb.

VOA-nın məlumatına görə nazirlik bəyan edib ki, beynəlxalq sularda humanitar yardım donanmasına edilən hərbi müdaxilə qəbulolunmazdır və bu, həm insani dəyərləri, həm də dəniz naviqasiya təhlükəsizliyini hədəf alır. Rəsmi Ankara Şərqi Aralıq dənizində ən uzun sahil xəttinə malik ölkə kimi prosesləri yaxından izlədiyini və humanitar dəstək çərçivəsində bütün zəruri tədbirlərin görüldüyünü vurğulayıb.

Generalın vəzifədən alınması - "Hərbi intizam şərtdir"

Konya-Fənərbaxça matçı zamanı stadion üzərində icazəsiz F-16 və Sikorsky uçuşları ilə bağlı qalmaqaldan sonra 3-cü Ana Reaktiv Baza Komandanı general-mayor Mete Kuşun vəzifədən alınmasına aydınlıq gətirilib. Nazirlik bu qərarın Türk Silahlı Qüvvələrinin sarsılmaz hərbi intizam qaydaları çərçivəsində verildiyini və daxili prosedur qaydalarına uyğun olduğunu bildirib.

Avropa və Fransaya sərt xəbərdarlıq

Bəyanatda bəzi Avropalı liderlərin və xüsusilə Fransanın Türkiyəni hədəf alan çıxışlarına da toxunulub. Cənubi Kiprə Fransız hərbi qüvvələrinin yerləşdirilməsi cəhdləri bölgədəki həssas balansı pozan addım kimi qiymətləndirilib. Nazirlik qeyd edib ki, Türkiyəyə qarşı qurulmağa çalışılan hər hansı hərbi ittifaqın uğur şansı yoxdur.