BAKI,VOA, Fərid Mikayılov
Uqandanın müdafiə qüvvələrinin komandanı Muhoozi Kaineruqaba Türkiyə ilə bağlı qalmaqallı açıqlamalarından sonra geri addım atıb.
VOA xəbər verir ki, sosial şəbəkələrdə Türkiyəyə qarşı təhdid xarakterli fikirlər səsləndirən generalın paylaşımları qısa müddətdə geniş rezonans doğurub.
Kaineruqaba Türkiyə ilə diplomatik münasibətlərin kəsilə biləcəyini və aviareyslərin məhdudlaşdırılacağını bildirmişdi. Onun bu açıqlamaları sosial mediada ciddi narazılıqla qarşılanıb.
Artan reaksiyalardan sonra general mübahisəli paylaşımlarını silərək əvvəlki mövqeyindən geri çəkilib.
Qeyd edək ki, Muhoozi Kaineruqaba Uqanda Prezidenti Yoveri Museveninin oğludur.