Close Menu
    Türkiyə

    Türkiyə-İran sərhədində ticari keçidlər davam edir, sərnişin gediş-gəlişi dayandırılıb

    Türkiyə-İran sərhədində ticari keçidlər davam edir, sərnişin gediş-gəlişi dayandırılıb
    Bizi buradan izləyin və Bizə yazın

    BAKI, VOA, Nailə Babazadə

    Türkiyənin ticarət naziri Ömər Bolat, regionda baş verən və qlobal təsirləri hiss edilən son hadisələr fonunda Türkiyə-İran sərhədindəki gömrük qapıları ilə bağlı rəsmi açıqlama yayıb.

    VOA xəbər verir ki, nazir bildirib ki, Türkiyənin İran ilə olan gömrük məntəqələrindəki vəziyyət gömrük təşkilatı tərəfindən anbaan izlənilir və hərtərəfli qiymətləndirilir.

    Hazırda Türkiyə-İran sərhədində yerləşən Ağrı - Gürbulak, Van - Kapıköy və Hakkari - Esendere gömrük qapılarında hər hansı fövqəladə vəziyyət yaşanmır. Nazir Bolatın sözlərinə görə, hər üç məntəqədə ticari yüklərin keçidi İran tərəfi ilə koordinasiyalı şəkildə və nəzarət altında fasiləsiz davam etdirilir. Lakin təhlükəsizlik tədbirləri çərçivəsində sözügedən üç gömrük qapısında gündəlik sərnişin keçidləri qarşılıqlı olaraq dayandırılıb.

    Buna baxmayaraq, vətəndaşların öz ölkələrinə qayıtması üçün müəyyən istisnalar saxlanılıb. Belə ki, İran öz vətəndaşlarının Türkiyə üzərindən ölkəyə girişinə, Türkiyə isə öz vətəndaşlarının və üçüncü ölkə vətəndaşlarının İrandan Türkiyəyə girişinə icazə verir. Ticarət Nazirliyi həmçinin bəyan edib ki, sərhəd keçid xidmətlərinin və ticarət axınının nizamlı şəkildə davam etməsi üçün bütün bölmələr tam hazır vəziyyətə gətirilib, kadr takviyəsi təmin edilib və nəzarət infrastrukturu gücləndirilib.

    Oxşar Xəbərər

    © 2026 Azervoice.