BAKI, AzerVoice, Nailə Babazadə
Ankarada terror təşkilatı İŞİD və FETÖ-yə qarşı aparılan iki ayrı istintaq çərçivəsində 4 şübhəli və 6 axtarışda olan məhkum saxlanılıb.
AzerVoice xəbər verir ki, Ankara Respublika Baş Prokurorluğu Terror Cinayətləri üzrə İstintaq Bürosu tərəfindən aparılan araşdırmalar zamanı İŞİD tərkibində fəaliyyət göstərdikləri və münaqişə bölgələri ilə əlaqə saxladıqları müəyyən edilən İraq vətəndaşı 4 nəfərin saxlanıldığı bildirilib.
Bundan əlavə, FETÖ üzvlüyü ilə bağlı aparılan məhkəmə prosesləri nəticəsində barələrində qüvvəyə minmiş həbs cəzasının icrası məqsədilə axtarış elan olunan 6 məhkum da hüquq-mühafizə orqanları tərəfindən saxlanılıb.
Şübhəlilərin və məhkumların Respublika Baş Prokurorluğuna təhvil verilməsi istiqamətində əməliyyat tədbirləri Ankara Şəhər Polis İdarəsi və Jandarma Komandanlığı əməkdaşları tərəfindən davam etdirilir.