BAKI, AzerVoice, Orxan Qədirzadə
Britaniya Baş naziri Keir Starmer Türkiyəyə səfərində Eurofighter qırıcılarını da özü ilə gətirib.
AzerVoice xəbər verir ki, Böyük Britaniyanın Baş naziri Keir Starmer Prezident Rəcəb Tayyib Ərdoğanın dəvəti ilə Ankaraya rəsmi səfər edib. Starmer Krallıq Hava Qüvvələrinə məxsus üç “Eurofighter Typhoon” qırıcısını da özü ilə gətirib.
Baş nazirin təyyarəsi Mürted Hava Bazası Komandanlığında enib. Starmeri Türkiyənin milli müdafiə naziri Yaşar Gülər qarşılayıb. Gülərlə birlikdə Krallıq Hava Qüvvələrinin üç “Eurofighter Typhoon” döyüş təyyarəsinin yer aldığı əraziyə keçən Starmer, təyyarələri şəxsən incələyib, pilotlar və texniki heyətlə qısa söhbət aparıb.
Səfərdə Starmeri Böyük Britaniyanın müdafiə naziri Con Hili və Hava Qüvvələri Komandanı Orgeneral Harv Smit müşayiət edib.