BAKI, AzerVoice, Fərid Mikayılov
İstanbulun Esenyurt rayonunda polis əməkdaşlarının həyata keçirdiyi genişmiqyaslı əməliyyat zamanı 207 kiloqram metamfetamin və 98 kiloqram kimyəvi maddə ələ keçirilib.
AzerVoice xəbər verir ki, bu barədə Türkiyənin Daxili işlər naziri Ali Yerlikaya X sosial media hesabında paylaşım edib.
Bildirilib ki, əməliyyat İstanbul Polis İdarəsinin Narkotiklə Mübarizə Şöbəsi əməkdaşları tərəfindən uğurla icra edilib.
Onun sözlərinə görə, müsadirə edilən maddələrin bir hissəsi narkotik istehsalında istifadə olunmaq üçün nəzərdə tutulub.
“Narkotik vasitələrə qarşı apardığımız bu mübarizə, gələcəyimizin təminatı olan gənclərimizi qoruma mübarizəsidir” – deyə Yerlikaya vurğulayıb.