BAKI, AzerVoice
Türkiyədə 11 şəhərdə mütəşəkkil cinayət şəbəkəsinə qarşı aparılan əməliyyat nəticəsində 33 nəfər həbs edilib.
AzerVoice xəbər verir ki, Aydın başda
olmaqla Türkiyənin 11 şəhərində keçirilən genişmiqyaslı
əməliyyatlar nəticəsində 35 şübhəli saxlanılıb, onlardan 33-ü həbs
edilib.
Mütəşəkkil cinayət təşkilatına üzv olmaqda şübhəli bilinən
şəxslərin sosial media üzərindən vətəndaşlarla əlaqə quraraq onları
saxta birja tətbiqlərinə yönləndirdiyi və bu yolla dələduzluq
etdiyi müəyyən olunub. Qanunsuz yolla əldə edilən gəlirlər
investisiya, maliyyə və kripto konsaltinq adı altında yaradılmış ön
şirkətlər vasitəsilə yuyulub.
Qeyd edək ki, əməliyyat zamanı 300 milyon TL dəyərində 10
avtomobil, 2 ev, 16 torpaq sahəsi, 814 bank hesabı və 35
kriptovalyuta hesabı ələ keçirilib.
Daxili İşlər Naziri Ali Yerlikaya əməliyyatların Jandarma
Komandanlığı və Nazilli Baş Prokurorluğu ilə birgə həyata
keçirildiyini və cinayətkar qruplara qarşı mübarizənin davam
edəcəyini bildirib.