BAKI, AzerVoice
Katolik dünyasının yeni ruhani lideri Papa XIV Leo bu ilin noyabr ayında Nikea Şurasının 1700 illik yubileyi münasibətilə Türkiyəyə səfər edəcək.
AzerVoice xəbər verir ki, Vatikanın
dövlət başçısı olan Papa, səfər çərçivəsində Bursanın İznik (tarixi
Nikea) rayonunda və İstanbulda keçiriləcək mərasimlərdə iştirak
edəcək.
Bu səfər, mayın 8-də Papa seçilən XIV Leo üçün ilk xarici səfər
olacaq.
Papanın yay iqamətgahı Castel Gandolfo-da ABŞ-dan gəlmiş nümayəndə heyətini qəbul edən ruhani lider, yubiley mərasimində müxtəlif konfessiya və din nümayəndələrinin iştirakını vacib saydığını bildirib.
Qeyd edək ki, 325-ci ildə keçirilmiş Nikea Şurası xristian dünyasında ilk ümumdünya kilsə yığıncağı sayılır və bu il həmin hadisənin 1700-cü ildönümüdür.