BAKI,
AzerVoice
Nazir Hakan Fidan Rio-de-Janeyroda iranlı həmkarı ilə görüşüb.
AzerVoice xəbər verir ki, Türkiyənin
xarici işlər naziri Hakan Fidan Braziliyada keçirilən BRİKS sammiti
çərçivəsində İranın xarici işlər naziri Abbas Arakçi ilə bir araya
gəlib.
Görüş zamanı ikitərəfli münasibətlər, regional inkişaflar və İranın
nüvə proqramı üzrə danışıqlar ətrafında müzakirələr aparılıb.
Rio-de-Janeyroda keçirilən 17-ci BRİKS Liderlər Zirvəsində Prezident Rəcəb Tayyib Ərdoğanın adından iştirak edən Fidan, regional gərginliklərin yalnız diplomatik yollarla həll olunmasının vacibliyini vurğulayıb.
“Biz regionumuzdakı bütün məsələlərin diplomatiya yolu ilə həllinin tərəfdarıyıq və bu istiqamətdə atılacaq addımlara hər cür dəstəyi verəcəyik,” – deyə nazir bildirib.
Qeyd edək ki, 2025-ci il BRİKS sammitinə bu il Braziliya sədrlik edir. Zirvə çərçivəsində Türkiyə və İran arasında aparılan yüksək səviyyəli diplomatik görüşlər regional sabitlik baxımından mühüm əhəmiyyət daşıyır.