BAKI, AzerVoice
Hindistan və Pakistan arasında artan nüvə gərginliyinin diplomatik səylərlə aradan qaldırılmasında Türkiyə əsas rol oynayıb.
AzerVoice xəbər verir ki, mayın 7-də
Hindistanın Pakistanı bombalamasından sonra yaranan münaqişə
diplomatiya yolu ilə həll edilib və atəşkəs əldə olunub.
Türkiyə prezidenti Rəcəb Tayyib Ərdoğan və Xarici İşlər
Nazirliyinin intensiv səyləri nəticəsində tərəflər təmkinə
çağırılıb. Ərdoğan Pakistanın baş naziri Şahbaz Şəriflə telefon
danışığı apararaq Türkiyənin bölgədə sülh üçün üzərinə düşəni
etməyə hazır olduğunu bildirib. Türkiyə, ABŞ və Səudiyyə
Ərəbistanının vasitəçiliyi ilə əldə edilən razılaşma sayəsində
genişmiqyaslı müharibənin qarşısı alınıb.
Qeyd edək ki, aprelin 22-də baş verən terror aktından sonra bölgədə artan gərginlik, xüsusilə mayın 7-dəki ballistik raket hücumlarından sonra daha da yüksəlmişdi. Türkiyənin Pakistanla diplomatik təmasları, xüsusilə Hava vitse-marşalı Yaşar Kadıoğlunun İslamabaddakı danışıqları prosesə ciddi təsir göstərib.