Bakı, AzerVoice
Türkiyə Prezidentİ Rəcəb Tayyib Ərdoğanın Birləşmiş Millətlər Təşkilatının (BMT) 79-cu Baş Assambleyasına qatılmaq üçün etdiyi ABŞ səfəri başa çatıb.
AzerVoice xəbər verir ki, Ərdoğan ölkənin birinci xanımı Əminə Ərdoğanla birlikdə Con Kennedi Beynəlxalq Hava Limanına getmək üçün Türkevidən ayrılıb.
Hava limanına gələn Ərdoğan və onu müşayiət edən şəxslər yerli vaxtla saat 00.40-da özəl “CAN” təyyarəsi ilə ABŞ-dan Türkiyəyə yola düşüb.
Səfərdə Prezident Ərdoğan və Əminə Ərdoğanla yanaşı enerji və təbii sərvətlər naziri Alparslan Bayraktar, xəzinə və maliyyə naziri Mehmet Şimşək, sənaye və texnologiya naziri Mehmet Fatih Kaçır, ticarət naziri Ömər Bolat, Milli Kəşfiyyat Təşkilatının direktoru İbrahim Kalın, Prezident Administrasiyası kommunikasiya direktoru Fahrettin Altun, Prezidentin Xarici Siyasət və Təhlükəsizlik üzrə baş müşaviri Akif Çağatay Kılıç da iştirak edib.
