Bakı, AzerVoice

Türkiyə Müdafiə Sənayesi (SSB) Sədri Haluk Görgün, müdafiə və aerokosmik sənayesinin avqust ayında 423 milyon dollar dəyərində ixracat həyata keçirdiyini bildirib.

AzerVoice xəbər verir ki, Görgün bu haqda öz sosial media hesabında paylaşım edib.

O, müdafiə və aerokosmik ixracatın avqust ayında bir il öncəki avqust ayına görə 12,6% artaraq 423 milyon dollara çatdığını ifadə edib.

Görgün, 2024-cü ilin ilk 8 ayında müdafiə və aerokosmik ixracatın bir əvvəlki ilin eyni dövrünə görə 9,8% artaraq 3 milyard 738 milyon dollara çatdığını, beləliklə ixracatın son bir ildə illik bazda 13,4% artdığını ifadə edib.

İxrac strategiyasında müdafiə sənayesinin əsas məqsədinin yüksək əlavə dəyərli məhsulların ixracında daimi artım trendi təmin etmək olduğunu vurğulayan Görgün, “Şirkətlərimizin müəyyən bir bölgəyə deyil, demək olar ki, dünyanın bütün bölgələrinə ixrac edə bilməsi, ixracat strategiyamızda müvəffəqiyyət əldə etdiyimiz digər bir əhəmiyyətli hədəfimiz olmuşdur. Bu hədəf istiqamətində 2024-cü ildə şirkətlərimiz 171 fərqli ölkəyə məhsul ixrac etmişdir",- deyə bildirib.

Görgün, "Önümüzdəki dövrdə SSB olaraq, ixracatçı şirkətlərimizin sayını artırmaq məqsədi ilə həm böyük şirkətlərimizi, həm orta və kiçik müəssisələrimizi, həm də KOB-ları əhatə edən bir yanaşma ilə ixracat həyata keçirən şirkətlərimizin sayını artırmaq və ixracı bütün sektor üçün davamlı hala gətirmək hədəfi ilə işlərimizi davam etdirəcəyik.",- deyə ifadə edib.

Savunma ve havacılık ihracatımız Ağustos ayında bir önceki Ağustos ayına göre %12.6 artış kaydederek 423 Milyon $ olarak gerçekleşmiştir.

Öte yandan 2024 yılının ilk 8 aylık bölümünde savunma ve havacılık ihracatımız geçen yılın aynı dönemine göre % 9.8’lik bir artış… pic.twitter.com/OAtv3RW2MQ

— Prof. Dr. Haluk Görgün (@halukgorgun) September 2, 2024