BAKI, AzerVoice

Türkiyə ilə Avropa İttifaqı arasında Yüksək Səviyyəli İqtisadi Dialoq, 6 ildən sonra yenidən başlayıb.

AzerVoice xəbər verir ki, Türkiyənin Xəzinə və Maliyyə Naziri Mehmet Şimşək, bu dialoqun bərpasının Türkiyə və Avropa Birliyi (AB) arasındakı iqtisadi əlaqələri daha da möhkəmləndirəcəyini və strateji əməkdaşlıq üçün yeni imkanlar yaradacağını bildirib.

Nazirin sözlərinə görə, Türkiyə, AB ilə daha güclü və daha strateji bir əməkdaşlığa hazırdır.

Yüksək Səviyyəli İqtisadi Dialoq Toplantısının ilk iclası sabah Brüsseldə keçiriləcək. İclasda, Mehmet Şimşək ilə yanaşı, Aİ-nin iqtisadiyyat və məhsuldarlıq komissarı Valdis Dombrovskis və AB-nin genişlənmə üzrə komissarı Marta Kos da iştirak edəcək. Bu görüş 6 illik fasilədən sonra baş tutacaq və ilk mərhələdə makroiqtisadi siyasətlər, rəqabət qabiliyyəti və struktur islahatları müzakirə olunacaq. İkinci hissədə isə, iş dünyasının nümayəndələri nazir və komissarlarla bir araya gələrək investisiya və ticarət imkanlarını araşdıracaqlar.

Şimşək görüşün əvvəlində sosial media hesabında etdiyi açıqlamada, “Dialoq hər iki tərəfin xeyrinədir və Türkiyənin güclü inteqrasiyası ilə Avropa Birliyində iqtisadi inteqrasiya daha yaxşı nəticə verəcək”- deyə bildirib. Nazir, həmçinin, qlobal ticarətdəki artan proteksionist meyllər və yeni inkişaf sahələri – e-ticarət, rəqəmsallaşma və yaşıl transformasiya haqqında da danışıb və Gömrük İttifaqının yenilənməsinin vacib olduğunu vurğulayıb. Bu, xüsusilə dövlət satınalmaları, xidmətlər və kənd təsərrüfatı sahələrini əhatə edəcək şəkildə həyata keçiriləcək.

Görüşdə Avropa İnvestisiya Bankı, Avropa Yenidənqurma və İnkişaf Bankı və Avropa İnkişaf Şurası Bankı kimi maliyyə qurumlarının yüksək səviyyəli rəhbərləri də iştirak edəcəklər. Nazir Şimşək, görüşlər zamanı həmçinin, Dombrovskis və Kos ilə ikitərəfli görüşlər keçirəcəyini və bu görüşlərdə əlaqələrin gələcəyinə dair daha ətraflı müzakirələr aparılacağını bildirib.

Türkiyənin Avropa İttifaqı ilə iqtisadi əlaqələrini gücləndirmək və genişləndirmək üçün həm dövlət, həm də özəl sektor səviyyəsində bir çox yeni təşəbbüslər nəzərdə tutulur. Şimşək, Türkiyə-AB əməkdaşlığının yeni dövrünün qlobal iqtisadiyyatın daha müsbət inkişafına təkan verəcəyini və Türkiyənin bu əməkdaşlığa olan töhfəsinin böyük əhəmiyyət daşıdığını vurğulayıb.

Qeyd edək ki, Aİ ilə Türkiyə arasında Yüksək Səviyyəli İqtisadi Dialoq mexanizmi ilk dəfə 2015-ci ildə yaradılıb. 2016, 2017 və 2019-cu illərdə keçirilən görüşlərdə tərəflər arasında iqtisadi və ticarət əlaqələrinin daha da dərinləşdirilməsi üçün mühüm addımlar atılıb. 6 ildən sonra bu dialoqun yenidən başlaması, hər iki tərəf üçün də əhəmiyyətli bir inkişaf mərhələsini təmsil edir.

Türkiye-AB Yüksek Düzeyli Ekonomik Diyaloğu 6 yıl sonra yeniden başlıyor.

Diyalog her iki tarafın da menfaatine olup Avrupa Birliği’nde ekonomik bütünleşme, Türkiye’nin güçlü entegrasyonu ile daha iyi sağlanacaktır.

Avrupa Birliği ile daha güçlü ve stratejik işbirliğine… https://t.co/Lt6yJon6RT

— Mehmet Simsek (@memetsimsek) April 2, 2025