Almaniya kansleri Fridrix Merts İran böhranı fonunda ABŞ və Avropa arasında fikir ayrılıqları olsa da, NATO əməkdaşlığının qorunmasının vacib olduğunu bildirib. O vurğulayıb ki, əsas məqsəd İranın nüvə silahı əldə etməsinin qarşısını almaq və regionda münaqişəni dayandırmaqdır.

Rəcəb Tayyib Ərdoğan Avropa inteqrasiyasının əsasını təşkil edən Şuman Bəyannaməsinin ildönümündə yayımladığı bəyanatda Avropa Birliyinin son illərdə çoxşaxəli siyasi, iqtisadi və təhlükəsizlik böhranları ilə üzləşdiyini bildirib. Türkiyə lideri qeyd edib ki, qlobal müharibələr, siyasi qarşıdurmalar və iqtisadi çətinliklər fonunda Avropa Birliyi daha əhatəli və birləşdirici siyasət yürütməyə məcburdur.

Türk müdafiə sənayesi aviasiya sahəsində növbəti böyük uğuruna imza ataraq, milli reaktiv təlim təyyarəsi HÜRJET-in İspaniyaya ixracını rəsmiləşdirib. Türk Havacılıq və Uzay Sənayesi (TUSAŞ) tərəfindən istehsal olunan Türkiyənin ilk milli reaktiv təyyarəsinin İspaniya Hərbi Hava Qüvvələrinin inventarına daxil edilməsinə dair rəsmi müqavilə Madriddəki Airbus müəssisələrində keçirilən mərasimlə imzalanıb.

Birləşmiş Millətlər Təşkilatının (BMT) xüsusi məruzəçiləri Avropa Birliyinə müraciət edərək, İsrail ilə 2000-ci ildən bəri qüvvədə olan tərəfdaşlıq sazişinin dərhal dayandırılmasını tələb ediblər. Məruzəçilər bu tələbi İsrailin beynəlxalq hüququ, o cümlədən insan haqlarını kobud şəkildə pozması və Qəzzada törədilən hərbi cinayətlərlə əsaslandırıblar.

Avropa Birliyi (AB) Komisyonu 2026-cı il üçün Fələstin, Livan, Suriya, İordaniya və Misirdəki humanitar böhranların aradan qaldırılması məqsədilə təxminən 458 milyon avro məbləğində yardım paketini təsdiqlədiyini açıqlayıb. Komissiyanın yazılı bəyanatında bəzi böyük donorların regiondan çəkilməsi və beynəlxalq humanitar hüququn ciddi təzyiq altında olması fonunda bu dəstəyin kritik əhəmiyyət kəsb etdiyi vurğulanıb. Yardım paketinin ən böyük hissəsi — 210 milyon avro Suriyadakı təcili müdaxilə və mühafizə tədbirlərinə yönəldiləcək.

2026-ci ilin yanvar ayında Türkiyənin Avropa Birliyi ölkələrinə ixracatı 2025-ci ilin eyni ayı ilə müqayisədə 2,3 faiz azalaraq ,8 milyard 758 milyon 52 min dollar olub. “2026-ci ilin yanvar ayında Türkiyənin Avropa Birliyi ölkələrindən idxalı 2025-ci ilin eyni dövrü ilə müqayisədə 0,9 faiz azalaraq 7 milyard 413 milyon 878 min dollar təşkil edib” – deyə nazirlikdən bildiriblər. Qeyd edək ki, bu ilin yanvar ayında Türkiyənin xarici ticarət dövriyyəsi 49 milyard 1 milyon dollar olub.

Keçən ilin dekabr ayında Türkiyənin Avropa Birliyi ölkələrinə ixracatı 2024-cü ilin eyni ayı ilə müqayisədə 8,3 faiz artaraq 9 milyard 956 milyon 11 min dollar olub. Məlumata əsasən keçən ilin yanvar – dekabr ayında, Türkiyənin Avropa Birliyi ölkələrinə ixracatı, 2024-cü ilin analoji dövri ilə müqayisədə 7,7 faiz artaraq, 116 milyard 908 milyon 78 min dollar olub.

Türkiyə Xarici İşlər Nazirliyinin sözçüsü Öncü Keçeli Yunanıstanın Avropa Birliyi (AB) Dəniz Məkan Planlama (DMP) Platforması vasitəsilə Türkiyənin dəniz səlahiyyət zonalarını pozan bir xəritəni qəbul etdirməyə çalışmasına sərt etiraz edib. Sözçü sosial media hesabında açıqlama verərək Türkiyənin Birləşmiş Millətlər Təşkilatının (BMT) tövsiyələrinə uyğun aparılan Dəniz Məkan Planlama işlərini yaxından izlədiyini xatırladıb. O qeyd edib ki, Türkiyə öz milli DMP-sini 16 aprel 2025-ci ildə elan edib və 12 iyun 2025-ci ildə UNESCO Hökumətlərarası Oşinografi Komissiyasına təqdim edib.

2025-ci ilin iyul ayında Türkiyənin Avropa Birliyi ölkələrinə ixracatı 2024-cü ilin eyni ayı ilə müqayisədə 10,7 faiz artaraq 10 milyon 30 milyon 400 min dollar olub. Məlumata əsasən bu ilin yanvar – iyul ayında, Türkiyənin Avropa Birliyi ölkələrinə ixracatı, keçən ilin analoji dövri ilə müqayisədə 8,4 faiz artaraq, 67 milyard 682 milyon 910 min dollar olub. “Bu ilin iyul ayında Türkiyənin Avropa Birliyi ölkələrindən idxalı 2024 -cü ilin eyni dövrü ilə müqayisədə 12,6 faiz artaraq 10 milyard 857 milyon 888 min dollar təşkil edib” – deyə nazirlikdən bildiriblər. Nazrilikdən bildiriblər ki, 2025-ci ilin yanvar – iyul aylarında Türkiyənin Avropa Birliyi ölkələrindən idxalı keçən ilin analoji dövrü ilə müqayisədə 5,3 faiz artaraq, 67 milyard 684 milyon 543 min dollar təşkil edib.

Türk Hava Yollarının (THY) təyyarələri son 12 ayda 36 ölkədə 61 hava limanında aparılan 89 təhlükəsizlik yoxlamasından uğurla çıxıb. THY-nin baş direktoru Bilal Ekşi sosial media hesabında bildirib ki, SAFA proqramı çərçivəsində yoxlamalar zamanı 0,378 nisbətində “yoxluq göstəricisi” qeydə alınıb və bu, yüksək nəticə sayılır. Onun sözlərinə görə, sərnişinlərin rahat və təhlükəsiz uçuşu üçün bütün qaydalara ciddi şəkildə əməl olunur. Qeyd edək ki, SAFA (“Xarici təyyarələrin təhlükəsizliyinin qiymətləndirilməsi”) Avropa Birliyi ölkələrində tətbiq olunan proqramdır və beynəlxalq uçuş təhlükəsizliyi tələblərinə uyğunluğu yoxlamaq məqsədi daşıyır. Yoxlamalar təyyarələrin texniki vəziyyəti, kokpit və kabinə standartları, həmçinin sərnişinlərin təhlükəsizliyinin təmin olunması ilə bağlı tələbləri əhatə edir.

2025-ci ilin iyun ayında Türkiyənin Avropa Birliyi ölkələrinə ixracatı 2024-cü ilin eyni ayı ilə müqayisədə 13,3 faiz artaraq 9 milyard 357 milyon 392 min dollar olub. Məlumata əsasən bu ilin yanvar – iyun ayında, Türkiyənin Avropa Birliyi ölkələrinə ixracatı, keçən ilin analoji dövri ilə müqayisədə 8 faiz artaraq, 57 milyard 654 milyon 739 min dollar olub.

Aralarında Aralıq dənizi, Türkiyə, Avropa, ABŞ, Yaxın Şərq, Okeaniya və Asiyanın da olduğu dünyanın müxtəlif bölgələrində rekord həddə çatan istilər qeydə alınır. Gələcək günlərdə də havanın yüksək temperaturla davam edəcəyi proqnozlaşdırılır.