Bakı, AzerVoice
Türkiyə və Çad arasında hərbi əməkdaşlıq inkişaf edir.
AzerVoice xəbər verir ki, Türkiyənin Çaddakı səfiri Cem Utkan ilə Çad hökumət rəsmiləri arasında keçirilən görüşdə ölkənin şərqindəki Abeçe hava bazasının türk hərbi mütəxəssislərinin istifadəsinə verilməsinə dair qərar verilib.
Qərara əsasən, Çad Hərbi Hava Qüvvələrinin şəxsi heyətinə Türkiyənin pilotsuz uçuş aparatlarından (PUA) istifadə üzrə təlim keçiləcək və iki ölkə arasında hərbi əməkdaşlığı gücləndirmək üçün birgə təlimlər keçiriləcək.
Qeyd edək ki, Fransa qüvvələrinin 11 yanvar tarixində Abeçe hərbi bazasından çıxarılmasından cəmi bir həftə sonra Türkiyə ilə Çad arasında hərbi əməkdaşlıq müqaviləsi imzalanıb.