Bakı,AzerVoice

İngiltərənin təşəbbüsü ilə Fransa, Meteor hava-hava raketlərinin Türkiyəyə satışına razılıq verib.

AzerVoice xəbər verir ki, Meteor raketləri müasir döyüş aviasiyasının ən inkişaf etmiş silah sistemlərindən biri hesab olunur.

Onun əsas xüsusiyyətləri, 4 Mach-dan çox sürətə çatma qabiliyyəti, məsafədən və manevrdən asılı olmayaraq hədəfi zərərsizləşdirmək və çox yüksək dəqiqlik və manevr etmə qabiliyyətidir.

Meteor raketləri 100 kilometrdən çox məsafədə hədəfləri məhv etmək gücünə malikdir. Unikal ramjet mühərrik sistemi ilə bu raketlər uzunmüddətli və davamlı döyüş gücünü təmin edir.

Meteor raketlərinin Türkiyənin hava qüvvələrinə qoşulması, xüsusilə Eurofighter Typhoon döyüş təyyarələrinin effektivliyini artıracaq. Bu təyyarələr əvvəlcə aşağı radar görünürlüğü və uzunmənzilli hədəf aşkarlama qabiliyyətləri ilə fərqlənirdi, lakin düşməni zərərsizləşdirmə potensialında məhdudiyyətlər mövcud idi. Meteor raketləri ilə bu boşluq aradan qaldırılacaq.

Türkiyə üçün bu inkişafın digər bir strateji təsiri, Yunanıstanın Rafale təyyarələri ilə əldə etdiyi hava üstünlüyünü tarazlaşdırmaqdır. Meteor raketlərinin istifadəyə verilməsi ilə Türkiyə bölgədə həm müdafiə, həm də hücum qabiliyyətlərini artıracaq.

Meteor raketləri İngiltərə, Fransa, Almaniya, İtaliya, İspaniya və İsveç kimi ölkələrin birgə səyləri ilə hazırlanmışdır. Türkiyə isə bu texnologiyanı tətbiq etməklə yanaşı, yerli və daha inkişaf etmiş hava-hava raket sistemləri üzərində də işlərini davam etdirir. Beləliklə, Türkiyə öz hərbi sənayesində xarici asılılığı azaltmağı hədəfləyir.