Bakı, AzerVoice Türkiyə prezidenti Rəcəb Tayyib Ərdoğan AK Partiya Genişləndirilmiş İl Başçıları Yığıncağında mühüm açıqlamalar verib.
AzerVoice xəbər verir ki, Prezident Rəcəb Tayyib Ərdoğan, FETÖ liderinin ölümü ilə bağlı verdiyi açıqlamada, FETÖ terror təşkilatının fəaliyyətlərini kəskin şəkildə qınayaraq, bu şəxslərin xalqın övladlarını "xidmət" və "sədəqə" adı altında manipulyasiya etdiklərini vurğulayıb.
Ərdoğan, FETÖ liderinin ölümünü "şərəfsiz bir ölüm" kimi xarakterizə edərək, bu hadisənin tarixdə insan qiyafəsində olan digər pisliklərlə oxşar olduğunu qeyd edib.
Ərdoğan, eyni zamanda Türkiyənin terrorizmə qarşı mübarizəsinin davam edəcəyini vurğulayıb və terrorizmdən azad bir Türkiyə qurmağa çağırıb. O, Türkiyənin gələcəyini qorumaq və ölkənin inkişafını davam etdirmək üçün Xalq Birliyinin açdığı tarixi fürsətin şəxsi məqsədlərə qurban verilməməsi lazım olduğunu bildirib.