Türkiyənin ABŞ və İsrailin İrana qarşı başlatdığı hərbi əməliyyatların regional müharibəyə çevrilməsinin qarşısını almaq üçün göstərdiyi diplomatik səylər fonunda, Vaşinqtondakı bəzi qrupların Ankara əleyhinə fəaliyyətləri kəskinləşib. Sözügedən hesabatda Türkiyənin NATO-dakı müttəfiqlik prioritetlərindən uzaqlaşdığı və bəzi dini strukturlardan siyasi məqsədlər üçün istifadə etdiyi iddia olunur. Lakin FDD-nin bu həmləsinə ABŞ-ın nüfuzlu siyasi dairələrindən sərt reaksiya gəlib. Donald Trampın birinci prezidentliyi dövründə Almaniyadakı səfiri və Milli Kəşfiyyat Direktorunun vəzifəsini icra edən Riçard Qrenell sosial media hesabından FDD-yə etiraz bildirib. Qrenell vurğulayıb ki, Türkiyə 1952-ci ildən NATO üzvüdür və "Türkiyə ittifaqdan ayrılarsa, NATO-nun mövcudluğu sona çatar".

Türkiyədə Novruz bayramının rəsmi dövlət bayramı statusu alacağı və bununla bağlı qanunvericilik bazasının hazırlandığı açıqlanıb. Bu barədə AK Partiya Sədrinin müavini, Türk Dövlətləri ilə Əlaqələr idarəsinin rəhbəri, professor Kürşat Zorlu yerli televiziya kanallarından birində yayımlanan "Anadolu Soruyor" proqramında məlumat verib.

Türkiyə Milli Müdafiə Nazirliyi (MSB), 20 hərbçinin şəhid olduğu C-130 təyyarə qəzası ilə bağlı irəli sürülən əsassız iddialara qarşı kəskin etirazını bildirərək, məsələ ilə bağlı hüquqi prosesin başladıldığını elan edib. Nazirliyin mətbuat və ictimaiyyətlə əlaqələr müşaviri, kontr-admiral Zeki Aktürk tərəfindən keçirilən brifinqdə Türkiyə Silahlı Qüvvələrini hədəf alan bu cür çıxışların "əsassız və ictimaiyyəti çaşdırmağa yönəlmiş" olduğu vurğulanıb.

İzmir mərkəzli 3 vilayətdə terror təşkilatı İŞİD-ə qarşı keçirilən əməliyyat zamanı 9 şübhəli saxlanılıb. Əməliyyat İzmir, İstanbul və Konya şəhərlərində eyni vaxtda həyata keçirilib. Jandarma qüvvələri tərəfindən müəyyən edilən ünvanlara keçirilən reydlər nəticəsində bütün şübhəlilər saxlanılıb.

Türkiyə Respublikasının Vitse-prezidenti Cevdet Yılmaz Bakıda keçirilən Türk Dövlətləri Təşkilatına (TDT) üzv dövlətlərin Hökumət başçılarının/Vitse-prezidentinin bugünkü görüşündə çıxış edərək, təşkilat daxili ticarət dövriyyəsinin artırılması və regional münaqişələrin həlli ilə bağlı strateji hədəfləri açıqlayıb.

Türkiyənin daxili işlər naziri Mustafa Çiftçi canlı yayımda çıxış edərək, dövlətin cinayətkar qruplaşmalara və narkotik ticarətinə qarşı apardığı genişmiqyaslı əməliyyatların nəticələrini paylaşıb. Nazir vurğulayıb ki, hökumətin əsas hədəfi Türkiyəni terror təhdidindən tamamilə təmizləməkdir.

Türkiyədə narkotik vasitələrin qanunsuz dövriyyəsinə qarşı genişmiqyaslı əməliyyat keçirilib. Türkiyə Daxili İşlər Nazirliyinin məlumatına əsasən, 71 vilayətdə təşkil edilən əməliyyatlar zamanı 903 şübhəli saxlanılıb, onlardan 373 nəfər barəsində həbs qətimkan tədbiri seçilib.

Türkiyənin xarici işlər naziri Hakan Fidan ilə İordaniyanın xarici işlər naziri Eymen es-Safedi arasında telefon danışığı baş tutub. Türkiyə Xarici İşlər Nazirliyi mənbələrindən əldə edilən məlumata görə, nazirlər Yaxın Şərqdəki mövcud hərbi-siyasi vəziyyəti və regionu bürüyən münaqişənin sonlandırılması istiqamətində atılan addımları ətraflı nəzərdən keçiriblər. Görüşdə xüsusilə Fələstin məsələsi və mülki əhalinin mühafizəsi məqsədilə həyata keçirilən çoxşaxəli diplomatik təşəbbüslər diqqət mərkəzində olub.

Türkiyə Prezidenti Rəcəb Tayyib Ərdoğan hakim partiyanın qrup iclasında mühüm siyasi açıqlamalarla çıxış edib. Prezident vurğulayıb ki, dövlət başçısına və hakimiyyətə qarşı təhqiramiz ifadələrin işlədilməsi qəbuledilməzdir və bu cür davranışlar siyasi etikaya ziddir.

Türkiyə Prezidenti Rəcəb Tayyib Ərdoğan AK Partiyanın Qrup Toplantısında çıxış edərək, ölkənin üzləşdiyi regional təhdidlərdən, texnoloji nailiyyətlərdən və müxalifətlə münasibətlərdən danışıb. Prezident Türkiyənin 5G texnologiyasına keçidini rəqəmsal müstəqillik yolunda "inqilabi addım" adlandırıb.

Türkiyənin nəqliyyat və infrastruktur naziri Abdulkadir Uraloğlu AK Partiyanın TBMM-dəki qrup toplantısından əvvəl jurnalistlərin suallarını cavablandırarkən Hörmüz boğazında qalan türk mülkiyyətindəki gəmilərin son vəziyyəti barədə məlumat verib. Nazir bildirib ki, hazırda boğazda Türkiyəyə məxsus 14 gəmi var və Xarici İşlər Nazirliyi ilə koordinasiyalı şəkildə onların ərazidən çıxarılması üçün işlər davam etdirilir. Uraloğlu vurğulayıb ki, hazırda gəmilərin çıxarılması üçün əlverişli imkan yaranmasa da, heyət üzvləri və kapitanlarla davamlı ünsiyyət saxlanılır.

Türkiyənin Bodrum rayonunun Yalıkavak sahillərində qanunsuz miqrantları daşıyan rezin qayığın batması nəticəsində 11 nəfər həyatını itirib. Hadisə yerinə dərhal cəlb olunan Sahil Mühafizə dəstələri 21 miqrantı sağ olaraq xilas edə biliblər. Əməliyyatlara hava dəstəyi təmin etmək məqsədilə İzmirdən xüsusi Sahil Mühafizə helikopteri də tapşırığa cəlb olunub.