BAKI, AzerVoice
Qırğızıstan, Tacikistan və Özbəkistanın sərhəd kəsişmə nöqtəsi ilə bağlı saziş ratifikasiya olundu
AzerVoice xəbər verir ki, Qırğızıstan Prezidenti Sadir Japarov, 2025-ci il martın 31-də Tacikistanın Xocənd şəhərində imzalanmış “Qırğızıstan, Tacikistan və Özbəkistan arasında dövlət sərhədlərinin kəsişmə nöqtəsi haqqında” sazişin ratifikasiyasını təsdiqləyən qanuna imza atıb.
Qanun 2025-ci il iyunun 25-də Qırğızıstan parlamenti – Joqorku Keneş tərəfindən qəbul edilib.
Rəsmi məlumata görə, sənədin ratifikasiyası “Qırğız Respublikasının beynəlxalq müqavilələri haqqında” və “Joqorku Keneşin Reglamenti haqqında” qanunlara uyğun şəkildə daxili prosedurların tamamlanması məqsədi daşıyır.
Saziş üç ölkənin – Qırğızıstan, Tacikistan və Özbəkistanın dövlət sərhədlərinin kəsişdiyi nöqtənin hüquqi cəhətdən rəsmiləşdirilməsini təmin edir və regional sabitlik baxımından strateji əhəmiyyət kəsb edir.