BAKI,AzerVoice

Türkiyənin mədəniyyət və turizm naziri Mehmet Nuri Ersoy ilə Özbəkistan Respublikasının ekologiya, ətraf mühitin mühafizəsi və iqlim dəyişikliyi naziri Aziz Abduhakimov arasında görüş keçirilib.

AzerVoice xəbər verir ki, İclasın sonunda “Türkiyə Respublikasının Mədəniyyət və Turizm Nazirliyi ilə Özbəkistan Respublikasının Ekologiya, Ətraf Mühitin Mühafizəsi və İqlim Dəyişiklikləri Nazirliyi arasında turizm sahəsində Anlaşma Memorandumu və Fəaliyyət Planı”nın imzalanması mərasimi keçirilib.

Bu memorandum iki ölkə arasında uçuşların sayını artırmaq və turist sayını 1 milyona çatdırmaq məqsədi daşıyır.

"Öz tarixi və mədəni sərvətləri ilə Özbəkistan dünyanın ən mühüm turizm məkanlarından biridir. Səmərqənd, Buxara, Xivə kimi nadir şəhərlər bütün dünyanın mədəni irsində mühüm yer tutur. Bundan əlavə, özbək mətbəxi, ənənəvi sənətkarlıq və turizm sahəsində unikal təcrübələr Özbəkistanın turizm sənayesindəki mövqeyini daha da gücləndirir",- deyə Mehmet Nuri Ersoy bildirib.

Mehmet Nuri Ərsoy ötən ilin iyun ayında keçirilən Yüksək Səviyyəli Strateji Əməkdaşlıq Şurası ilə bağlı turizm sektorunda ortaq məqsədləri müəyyən edən “Anlaşma Memorandumu”nun imzalandığını qeyd edərək, iki ölkə arasında turizm sektorunda əməkdaşlığın artırılmasına, birgə layihələrin hazırlanmasına üstünlük verildiyini qeyd edib.

Özbəkistan Respublikasının ekologiya, ətraf mühitin mühafizəsi və iqlim dəyişikliyi naziri Əziz Abduhakimov Türkiyə ilə Özbəkistan arasında qardaşlıq əlaqələrinin uzun müddətdir mövcud olduğunu, turizmin iki ölkənin ortaq cəhətlərindən biri olduğunu vurğulayıb. O, Türkiyənin turizm baxımından bənzərsiz və gözəl bir ölkə olduğuna, turizm sektorunda inkişafını yaxından izlədiyinə və bu vəziyyətin Özbəkistan turizminə də töhfə verəcəyinə ümid etdiyini bildirib.