Bakı. AzerVoice:
Türkiyə ilə Qırğızıstan arasında ticarət həcminin 5 milyard dollara çatdırılması hədəflənir.
AzerVoice xəbər verir ki, bu barədə Türkiyənin vitse-prezidenti Cevdet Yılmaz öz rəsmi X sosial şəbəkə hesabında bildirib.
"Türkiyə-Qırğızıstan Qarışıq İqtisadi Komissiyasının 11-ci iclası çərçivəsində ölkəmizdə səfərdə olan Qırğızıstan Nazirlər Şurasının sədri Akılbek Japarov ilə birlikdə Türkiyə-Qırğızıstan Biznes Forumunda iştirak etdik. İclas çərçivəsində A.Japarovla 62 bəndlik Fəaliyyət Planını imzalayaraq, iş adamlarımızın ticarət, investisiya və istehsal fəaliyyətlərini asanlaşdıracaq addımları da nəzərdən keçirəcəyik. Hər iki ölkənin potensialını maksimum dərəcədə artırmaq, dayanıqlı iqtisadi artım istiqamətində əməkdaşlığımızı gücləndirmək əzmindəyik", - deyə o əlavə edib.
Qeyd edək ki, 2023-cü ildə Türkiyə ilə Qırğızıstan arasında ticarət dövriyyəsi 2022-ci ildə 42% artaraq 1,3 milyard dollara çatıb.
Xəbərlərimizi “WhatsApp” kanalımızdan oxuyun
