Bakı. AzerVoice:
Qırğızıstan və Türkiyə arasında avtomobil nəqliyyatında yeni addımlar atılacaq.
AzerVoice-un məlumatına görə, bu sözləri Türkiyənin Nəqliyyat və İnfrastruktur naziri Abdulkadir Uraloğlu deyib.
Uraloğlu, Qırğızıstanın nəqliyyat və kommunikasiya naziri Tilek Tekebaev və onu müşayiət edən nümayəndə heyəti ilə görüşüb.
Türkiyə-Qırğızıstan Qarışıq İqtisadi Komissiyasının 11-ci Toplantısı üçün Ankarada Qırğızıstanlı həmkarını qəbul edən Uraloğlu görüş zamanı Türkiyə və Qırğızıstanın çətin və dəyərli bir coğrafiyada yerləşdiyini bildirib.
Türk Dövlətləri Təşkilatının son vaxtlar üzərinə götürdüyü rolun çox dəyərli olduğuna diqqət çəkən Uraloğlu qeyd edib ki, ilk dəfə bir masa ətrafında toplanırıq. Biz buna "Türkiyə Əsri" deyirik, Türk dövlətlərinin təşkilatları buna "Türk Ərsi" deyirlər.
Yol nəqliyyatı baxımından atılacaq yeni addımların da iki ölkə arasında əlaqələrin inkişafına əhəmiyyətli töhfələr verəcəyini bildirən Uraloğlu vurğulayıb ki, təchizat zəncirindəki dəyişikliklər və avtomobil daşımalarına artan tələbat nəzərə alınaraq, ölkələrlə şərq və qərb arasındakı ticarət yaxşılaşacaq, Orta Dəhliz güclənəcək.
Qırğızıstanın nəqliyyat və kommunikasiya naziri Tilek Tekebaev də logistikanın iqtisadiyyatın mühüm bir hissəsi olduğunu vurğulayıb.
"Görüşlərimiz çox məhsuldar keçdi. Qırğızıstanla Türkiyə arasında ticarət əlaqələri son zamanlar sürətlə artmaqdadır. Biz bunun ən yaxşı nümunəsini yükdaşımaların artmasında görürük. İki ölkə arasında avtomobil daşımaları sahəsində də bağlanacaq razılaşmalar çox böyükdür. Türkiyə ilə əməkdaşlığı gücləndirməyə çalışırıq. Türkiyə Respublikası ilə Qırğızıstan Respublikası arasında nəqliyyat sahəsində əməkdaşlıq artırılacaq",- deyə nazir bildirib.
Qeyd edək ki, Quru Nəqliyyatı Müştərək Komissiyasının iclası sonuncu dəfə 2021-ci ildə keçirilib.
Aytac Süleymanova
Twitter: a_alieva_
