Rusiya Prezidenti Vladimir Putin və İran Prezidenti Məsud Pezeşkiyan arasında telefon danışığı baş tutub. Kremlin mətbuat xidmətinin yaydığı məlumata görə, liderlər regiondakı mövcud vəziyyəti və gərginliyin azaldılması yollarını müzakirə ediblər. Məsud Pezeşkiyan ölkəsindəki daxili vəziyyətin yaxşılaşdırılması istiqamətində görülən işlər barədə rusiyalı həmkarına məlumat verib. Tərəflər bölgədəki problemlərin yalnız siyasi və diplomatik yollarla həll edilməsinin vacibliyi barədə həmrəy olduqlarını vurğulayıblar.

İran hökuməti zəruri məhsulların idxalı üçün ayrılan xarici valyutanın qarşılığını birbaşa şəkildə vətəndaşlara verir. Bunu İran prezidenti Məsud Pezeşkian bu gün İran vətəndaşlarına müraciətində deyib. Onun sözlərinə görə, indiyə qədər ölkədə subsidiya olaraq bir sıra zəruri məhsullar və tibbi ləvazimatın ölkəyə idxalına aşağı qiymətlərlə xarici valyuta ayrılırdı.

İran hökuməti vətəndaşların dəstəyi ilə mövcud nigaranlıq və iqtisadi problemləri həll etməyə çalışır. Bunu İran prezidenti Məsud Pezşekian bu gün İran vətəndaşlarına müraciətində bildirib. Onun sözlərinə görə, ilk mərhələdə ölkə bazarlarında mövcud olan çatışmazlıq və bir növ aclıq yaratmağa çalışırdılar. Çünki mövcud tələb və təklif arasında uyğunluq yox idi. Hazırda bu problem aradan qaldırılıb.

Öz haqlarını əldə etmək üçün etiraz etmək İran vətəndaşlarının haqqıdır. Bunu İran prezidenti Məsud Pezeşkian bu gün İran vətəndaşlarına müraciətində deyib.

İran vətəndaşlarının nigaranlığını aradan qaldırmaq və problemləri həll etmək hökumətin borcudur. Bunu İran prezidenti Məsud Pezeşkian bu gün İran vətəndaşlarına müraciətində deyib. Onun sözlərinə görə, İran hökuməti vətəndaşların ölkənin bütün ehtiyatlarını ədalət çərçivəsində hansı partiyaya, hansı qrupa, hansı vilayətə və dilə aid olmasından asılı olmayaraq bütün vətəndaşlar arasında bölmək istədiyinə inanmalarını istəyir.

İranda etiraz dalğası Şərqi Azərbaycandakı qəsəbələr də daxil olmaqla 25 şəhərə yayılıb. Ölkənin qərb və cənub-qərbindəki əyalətlərdə etirazçılarla polis arasında qanlı toqquşmalar baş verib. İranın 31 əyalətindən 22-si hazırda aktiv etirazlarla əhatə olunub. Hələlik məlum olmayan səbəblərdən Tehranın qərbindəki İslam İnqilabı Keşikçiləri Korpusunun Bəsic Meqdad bazasında güclü partlayış baş verib. Hadisələri şərh edən Ali Lider Əli Xamenei etirazçıların tələblərini "ədalətli" elan etdi. Lakin Rəhbər vurğuladı ki, "üsyançılar öz yerlərinə qoyulmalıdır".

İran Prezidenti Məsud Pezeşkian, ABŞ və İsrail liderlərinin İran'a yenidən hücum etmə ehtimalına dair açıqlamalarına sərt reaksiya verib. Bu barədə Pezeşkian, sosial media platforması X-də yayımladığı yazılı açıqlamada bildirib. "İran İslam Respublikası hər cür zalımca hücuma qarşı cavabını sərt və peşmanlıq doğuracaq şəkildə verəcəkdir" deyib. Açıqlama, İsrail Baş Naziri Benyamin Netanyahunun ABŞ Prezidenti Donald Tramp ilə dünənki görüşündən sonra gəlib. Tramp, İsrailin İrana qarşı ehtimal olunan hücum planları ilə bağlı suallara cavab verərək, "Onlar (İran) edəcəklərinin nəticələrini bilirlər. Nəticələr çox ağır olacaq, bəlkə də keçən dəfəkindən daha ağır. İran, keçən dəfə onlara seçim təklif edəndə bizimlə razılaşmalıydılar" ifadələrini istifadə edib.

İran Prezidenti Məsud Pezeşkian bu gün, bazar ertəsi bildirib ki, hökumət ölkədə pul-kredit və bank sistemlərinin islahı üçün əsas tədbirləri gündəliyinə daxil edib. Pezeşkian dövlətə məxsus “Ələm” telekanalının yaydığı açıqlamada deyib: “İnsanların güzəranı mənim gündəlik qayğımdır və hökumət problemləri aradan qaldırmaq, məsuliyyətli həll yolları təqdim etmək üçün bütün gücü ilə çalışır.” Digər tərəfdən, İranın Ali Rəhbərinin siyasi müşaviri Əli Şamxani bəyan edib ki, İranın raket və müdafiə imkanlarını məhdudlaşdırmaq mümkün deyil və bu imkanları inkişaf etdirmək üçün heç kəsdən icazə almağa ehtiyac yoxdur. Dövlət “Ələm” telekanalının Şamxanidən sitat gətirdiyi xəbərdə qeyd olunur ki, “istənilən hücum sərt və dərhal cavabla qarşılanacaq və bu cavab planlaşdıranların təsəvvürünü aşacaq.”

İran Prezidenti Məsud Pezeşkian Avrasiya İqtisadi İttifaqının Ali Şurasının iclasına göndərdiyi mesajda İranla ittifaqa üzv ölkələr arasında əməkdaşlığın strateji və uzunmüddətli xarakter daşıdığını vurğulayıb. Prezident bildirib ki, bu əməkdaşlıq milli suverenliyin möhkəmləndirilməsi, ticarət və nəqliyyat əlaqələrinin asanlaşdırılması, enerji təhlükəsizliyinin gücləndirilməsi, yeni texnologiyaların inkişafı və maliyyə-bank infrastrukturunun formalaşdırılması baxımından mühüm əhəmiyyət kəsb edir.

İran Prezidenti Məsud Pezeşkian, son dövrlərdə Qazaxıstan və Türkmənistana etdiyi səfərlərin müsbət və konstruktiv nəticələr verdiyini və bu səfərlərin İslam Respublikasının qonşu ölkələrlə əlaqələri gücləndirmək siyasətini möhkəmləndirdiyini bildirib. Cümə axşamı gecəsi Tehrana qayıtdıqdan sonra çıxış edən Pezeşkian, İranın regional əlaqələri gücləndirməyə olan sadiqliyini bir daha vurğulayaraq, səfər zamanı keçirilən görüşlər və danışıqların müxtəlif sahələrdə qiymətli razılaşmalarla nəticələndiyini qeyd edib.

Qazaxıstan ilə İran hökumətləri arasında xarici işlər nazirliklərinin əməkdaşlıq proqramı ilə yanaşı, qarşılıqlı hüquqi yardım, nəqliyyat və logistika, yük daşımaları, ədliyyə, səhiyyə, mədəniyyət və media kimi sahələri əhatə edən 8 əməkdaşlıq sazişi imzalanıb. İran Prezidenti Mesud Pezeşkian rəsmi səfər çərçivəsində Qazaxıstana gedib. Pezeşkian üçün paytaxt Astananın Akorda Prezident Sarayında rəsmi qarşılama mərasimi təşkil olunub.

İranın Rusiyadakı səfiri Kazem Cəlali təsdiqləyib ki, bu həftə İran və Rusiya prezidentləri Türkmənistanda görüş keçirəcək. Masud Pezeşkian və Vladimir Putin Beynəlxalq Sülh və Təhlükəsizlik Forumunun çərçivəsində danışıqlar aparacaqlar.