#ÜST

Digər Xəbərlər

ABŞ Ümumdünya Səhiyyə Təşkilatından (ÜST) rəsmən ayrılıb

ABŞ Səhiyyə və Sosial Xidmətlər Nazirliyi (HHS), Prezident Donald Trampın uzunmüddətli hədəflərindən birini tamamlayaraq Amerika Birləşmiş Ştatlarının Ümumdünya Səhiyyə Təşkilatından (ÜST) ayrılma prosesinin rəsmən yekunlaşdığını açıqlayıb. Prezident Tramp ilk dövründə başlatdığı ÜST-dən ayrılma təşəbbüsünü, ikinci dövrünün ilk günündə imzaladığı fərmanla qətiləşdirmişdi. ABŞ qanunlarına görə, təşkilatdan ayrılmaq üçün bir il öncədən bildiriş verilməli və bütün ödənilməmiş borclar bağlanmalıdır. Hazırkı vaxt etibarilə ABŞ-ın ÜST-yə təxminən 260 milyon dollar borcu var, lakin hüquq ekspertləri ABŞ-ın bu ödənişi etməsinin az ehtimal olunduğunu və ÜST-nin bu vəsaiti toplamaq üçün əlində məhdud hüquqi vasitələrin olduğunu bildirirlər.

Digər Xəbərlər

Marburq virusu Efiopiyada epidemiya səviyyəsinə çatıb

Efiopiyanın cənubunda yayılan “Marburq” virusu səbəbilə rəsmi olaraq epidemiya elan edilib. Afrika İttifaqının Xəstəliklərə Nəzarət Mərkəzi (CDC Africa) və Ümumdünya Səhiyyə Təşkilatının (ÜST) məlumatına görə, virus indiyə qədər ən azı 9 insanda təsdiqlənib. ÜST-nin baş direktoru Tedros Adhanom Qebreyyesus bildirib ki, virus Efiopiyanın Cənub Bölgəsində yayılıb və ölüm riski 90 faizə qədərdir. Xəstəliyə səbəb olan “Marburq” virusu Ebola ailəsindən olub, əsasən meyvə ilə qidalanan yarasalardan insanlara keçir.

Maraqlı faktlar

Dünya üzrə milyonlarla insan diabetdən xəbərsizdir

Dünyada diabet xəstələrinin təxminən yarısı öz xəstəliklərinin fərqində deyil. The Lancet Diabetes & Endocrinology jurnalında yayımlanan yeni araşdırma, diabet diaqnozlarının artmasına baxmayaraq, insanların əhəmiyyətli hissəsinin hələ də bu “səssiz xəstəlikdən” xəbərsiz olduğunu ortaya qoyub.

Digər Dövlətlər

ÜST rəhbəri İsraili Qəzzadakı humanitar böhranı dayandırmağa çağırıb

Ümumdünya Səhiyyə Təşkilatının (ÜST) baş direktoru Tedros Adhanom Gebreyesus İsraili Qəzzadakı humanitar böhranı dayandırmağa çağırıb. "İnsanların aclıqdan ölməsi qarşısı alına biləcək faciədir. İsrail bunu istənilən an dayandıra bilər" - deyə, o bəyan edib. “Ərzaq yükləri çox yaxın məsafədə olduğu halda insanların aclıqdan ölməsi qəbuledilməzdir. Qəzza əhalisini ac saxlamaq nə İsrailin təhlükəsizliyini təmin edəcək, nə də girovların azad olunmasına kömək edəcək. Mülki əhalini aclığa məhkum etmək heç vaxt müharibə üsulu ola bilməz. Bu, hərbi cinayətdir və gələcək münaqişələrdə təhlükəli presedent yaradır”, - Gebreyesus əlavə edib.