Böyük Britaniya kralı Çarlz kiçik qardaşı Endrunu bütün titullarından və ordenlərindən məhrum etmək, həmçinin onu yaşadığı evdən çıxarmaq barədə qərar verib. Bu qərar mərhum iş adamı Cefri Epsteyn ilə əlaqələrinə görə qəbul edilib. Şahzadə Endruya “Royal Lodge” sarayına dair icarə müqaviləsindən imtina etməsi barədə rəsmi bildiriş təqdim olunub və o, əvəzləyici şəxsi yaşayış yerinə köçəcək. Şahzadə Endru təxminən iki həftə əvvəl bildirmişdi ki, uzun illərdir davranışı və ABŞ-da mərhum olan seksual cinayətkar Cefri Epsteyn ilə əlaqələrinə görə tənqid hədəfinə çevrildiyi üçün “York hersoqu” titulundan imtina edəcək.

Bu gün 29 oktyabrda İsrail Silahlı Qüvvələri Misirə hücum edərək Süveyş Kanalı istiqamətində irəlilədi və bununla da Süveyş böhranını başlatdı. Qısa müddət sonra İsrailə Fransa və Böyük Britaniya qüvvələri də qoşuldu və bu hadisə soyuq müharibə dövründə Yaxın Şərqdə ciddi beynəlxalq gərginliyə səbəb oldu.

Böyük Britaniyanın Baş naziri Keir Starmer Prezident Rəcəb Tayyib Ərdoğanın dəvəti ilə Ankaraya rəsmi səfər edib. Starmer Krallıq Hava Qüvvələrinə məxsus üç “Eurofighter Typhoon” qırıcısını da özü ilə gətirib. Baş nazirin təyyarəsi Mürted Hava Bazası Komandanlığında enib. Starmeri Türkiyənin milli müdafiə naziri Yaşar Güler qarşılayıb. Gülerlə birlikdə Krallıq Hava Qüvvələrinin üç “Eurofighter Typhoon” döyüş təyyarəsinin yer aldığı əraziyə keçən Starmer, təyyarələri şəxsən incələyib, pilotlar və texniki heyətlə qısa söhbət aparıb.

Türkiyə prezidenti Rəcəb Tayyib Ərdoğanla Türkiyədə səfərdə olan Böyük Britaniyanın Baş naziri Keir Starmer Ankarada birgə mətbuat konfransı keçiriblər. Görüş çərçivəsində iki ölkə arasında müdafiə sənayesi və iqtisadi əməkdaşlıq sahəsində mühüm razılaşmalar imzalanıb. Prezident Ərdoğan, “Eurofighter Typhoon” döyüş təyyarələrinin tədarükünə dair tətbiq mexanizmlərinin heyətlərarası görüşlərdə imzalandığını açıqlayıb. “Bu əməkdaşlığın müdafiə sənayesində yeni ortaq layihələrə yol açacağına inanırıq. Bu razılaşmanı iki yaxın müttəfiq arasında strateji münasibətlərin yeni bir simvolu hesab edirik,” – deyə dövlət başçısı qeyd edib.

Türkiyənin “Eurofighter Typhoon” döyüş təyyarələrinin alınması ilə bağlı Qətər və Omanla apardığı danışıqlar uğurla davam edir. Ərdoğan bu barədə Oman səfərindən qayıdarkən jurnalistlərə açıqlamasında bildirib. Ankara Avropa müttəfiqləri və ABŞ-la müasir döyüş təyyarələrinin – 40 ədəd “Eurofighter Typhoon”, həmçinin “F-16” və “F-35” təyyarələrinin alınması barədə danışıqlar aparır.

Böyük Britaniya Müdafiə Nazirliyi bəyan edib ki, kiçik sayda britaniyalı hərbi planlaşdırma zabitləri Qəzzada sabitliyin təmin edilməsinə yönəlmiş səylərə dəstək məqsədilə İsrailə göndərilib. Onlar ABŞ-ın rəhbərlik etdiyi birgə əməliyyat qrupuna qoşulublar. ABŞ, Misir və Qətər bu həftə İsrail və “HƏMAS” arasında atəşkəs sazişinin ilkin mərhələlərinin möhkəmləndirilməsi və ABŞ prezidenti Donald Trampın 20 maddəlik müharibəyə son qoyma planının həyata keçirilməsi üçün intensiv vasitəçilik aparır.

Böyük Britaniyanın Baş naziri Kir Starmer bu gün Misirin Şarm əl-Şeyx şəhərində keçirilən Sülh Sammiti çərçivəsində Türkiyə Prezidenti Rəcəb Tayyib Ərdoğanla görüşüb.

Bir əsr əvvəl Qrantham adlı kiçik bir şəhərdə bir baqqalın qızı dünyaya gəldi. Bu qız - Marqaret Tetçer - sonradan Böyük Britaniyaya rəhbərlik edən ilk qadın və XX əsrin ən məşhur liderlərindən biri oldu. Ailəsinin kiçik dükanında başlayan sadə həyatından siyasətdə “dəmir ledi”-yə qədər yüksələn qadın oldu Maqaret. Britaniyaya yeni şöhrət qazandırdı, onun iqtisadiyyatını və beynəlxalq nüfuzunu yenidən formalaşdırdı. Bu günə qədər mübahisəli olan mirası hələ də canlıdır.

İran Xarici İşlər Nazirliyi Avropa İttifaqı (Aİ) ölkələrinin səfirlərini Tehrana çağıraraq blokun Fars körfəzi regionuna dair “qarışan mövqeyinə” və ölkənin müdafiə proqramı ilə bağlı səsləndirilən iddialara etiraz edib. İranın siyasi işlər üzrə xarici işlər nazir müavini Məcid Taxt-e Rəvançi, səfirlərlə görüş zamanı Aİ və Fars Körfəzi Əməkdaşlıq Şurasının (GCC) son bəyanatında yer alan ifadələrin ölkənin ərazi bütövlüyünə və suverenliyinə zidd olduğunu bildirib.

Türkiyənin Hərbi Hava Qüvvələrinin modernləşdirilməsini sürətləndirmək məqsədilə Qətərdən ikinci əl “Eurofighter Typhoon” döyüş təyyarələri almaq üçün danışıqlar apardığı bildirilir.

ABŞ Dövlət katibi Rubio, Böyük Britaniyadakı həmkarı Cooper ilə telefon danışığında Trampın israilli girovların azad edilməsi və Qəzzədə atəşkəsi əhatə edən 20 maddəlik planının həyata keçirilməsinin vacibliyinə diqqət çəkib. ABŞ Dövlət Departamenti Rubio ilə Cooper arasında keçirilən telefon danışığı ilə bağlı yazılı açıqlama yayıb.

2001-ci ilin 7 oktyabrında ABŞ-ın rəhbərlik etdiyi koalisiya qüvvələri Talibanın nəzarətində olan Əfqanıstana hücum əməliyyatına başladı. ABŞ və Böyük Britaniya qüvvələrinin intensiv hava bombardmanı ilə başlanan əməliyyata Fransa, Almaniya, Avstraliya və Kanada kimi ölkələr logistik dəstək göstərdi. Daha sonra Talibana qarşı mübarizə aparan Şimal İttifaqının döyüşçüləri də əməliyyata qoşuldu. Əfqanıstanın işğalı ABŞ-ın “terrora qarşı müharibə” adlandırdığı kampaniyanın ilk mərhələsi idi və 2001-ci il sentyabrın 11-də Nyu-York və Vaşinqtonda törədilmiş terror hücumlarına cavab kimi həyata keçirilirdi. Bu münaqişə 20 ilə yaxın davam etdi və ABŞ tarixinin ən uzunmüddətli müharibəsinə çevrildi.