Ümumdünya Səhiyyə Təşkilatı (ÜST) 2025-ci ilin iyul ayında Qəzza zolağında kəskin qidalanma çatışmazlığından əziyyət çəkən uşaqların sayının rekord həddə çatdığını açıqlayıb. Bu barədə təşkilatın baş direktoru Tedros Adhanom Gebreyesus Cenevrədə keçirdiyi brifinqdə bildirib.

Qəzza zolağına havadan atılan yardımlar, yerindən didərgin düşən insanların sığındığı çadırların üzərinə düşərək ölüm hallarına səbəb olur. Bu barədə Qəzzadakı Daxili İşlər Nazirliyinin yaydığı bəyanatda bildirilib.

Türkiyənin Xarici İşlər naziri Hakan Fidan, bu gün İstanbulda HƏMAS Şura Məclisinin sədri Məhəmməd Dərvişin başçılıq etdiyi HƏMAS heyəti ilə görüş keçirib.

ABŞ Prezidenti Donald Tramp bəyan edib ki, Qəzzada aclıqla mübarizə aparmaq məqsədilə xüsusi bir plan üzərində işləyir. Bu barədə Tramp "Axios" portalına verdiyi müsahibədə danışıb.

Qəzzadakı vəziyyət davam etdirilə bilməyəcək bir hal alıb. Bunu İtaliyanın Baş naziri Corcia Meloni İsrailin Baş naziri Benyamin Netanyahu ilə telefon danışığı zamanı deyib.

AzerVoice xəbər verir ki, BMT-nin himayəsi altında keçirilən beynəlxalq konfransdan sonra Qətər, Səudiyyə Ərəbistanı, Misir və digər ölkələr daxil olmaqla 17 ərəb dövləti birgə bəyannamə imzalayıb.

Həmçinin, İsrail ordusunun 19 yanvar tarixində əldə olunan atəşkəsi pozaraq martın 18-dən bu yana Qəzzaya təşkil etdiyi hücumlarda 8 755 fələstinlinin həlak olduğu, 33 192 nəfərin yaralandığı bildirilib.

Türkiyənin vitse-prezidenti Cevdet Yılmaz, İsrailin Qəzza zolağına humanitar yardımın çatdırılmasına mane olmasını sərt şəkildə pisləyib. Bu barədə o "X" sosial şəbəkəsində yazıb.

Avstraliya Baş naziri Entoni Albanese İsraili beynəlxalq hüququ açıq şəkildə pozmaqda ittiham edib, lakin Fələstin dövlətini tanımaq çağırışlarına qarşı çıxıb.

"Avropa üçlüyü"nün (İngiltərə, Fransa və Almaniya) liderləri Qəzza zolağında mülki əhaliyə humanitar yardımın gecikmədən çatdırılmalı olduğunu bildirərək İsrailə çağırış ediblər.

HƏMAS, beynəlxalq ictimaiyyəti Qəzza zolağında baş verənlər qarşısında səssiz qalmaqda ittiham edərək, mülki əhalinin aclıq və susuzluqdan ölməsinin qarşısını almaq üçün İsrailə təzyiq göstərilməsinə çağırıb.

"Al Baraka Azerbaijan" təşkilatının könüllüləri Qəzza zolağında həyata keçirdikləri humanitar aksiya çərçivəsində 300 nəfərə isti yemək paylayıblar. Aksiyanın 23 iyul 2025-ci il tarixində baş tutduğu və Layihə №625 çərçivəsində reallaşdırıldığı bildirilib. Təşkilatın yaydığı açıqlamada bu təşəbbüsün məqsədinin müharibədən əziyyət çəkən Qəzza əhalisinə dəstək vermək olduğu qeyd olunub.