Livan Prezidenti Cozef Aun İsrailin ölkəsinin müxtəlif bölgələrinə təşkil etdiyi hücumların diplomatik səyləri və sabitliyi hədəf aldığını bildirib. Livanın rəsmi NNA agentliyində Prezident Aunın İsrail hücumları ilə bağlı bəyanatı dərc olunub. Aun qeyd edib ki, İsrailin Livanın müxtəlif şəhərlərinə yönələn hücumları ölkəsinin qardaş və dost ölkələrlə, xüsusilə də Amerika Birləşmiş Ştatları ilə apardığı diplomatik təşəbbüsləri və sabitliyi bərpa etmək cəhdlərini boşa çıxarmağa yönəlmiş açıq düşmənçilik aktıdır.

Livanın yeni seçilmiş prezidenti Cozef Aun bu gün, cümə axşamı – 9 yanvar 2025-ci ildə hərbi formasını çıxararaq qara rəsmi kostyumda Nümayəndələr Palatasına daxil olub. O, parlamentin sədri Nəbih Berri ilə görüşərək əl sıxıb və Konstitusiya üzrə and içib. Mərasim zalda toplaşan deputatların gurultulu alqışları ilə müşayiət olunub. Cozef Aun 1964-cü il yanvarın 10-da Livanın Matn bölgəsində anadan olub. O, ali təhsilini siyasi elmlər və hərbi elmlər sahəsində alıb, beynəlxalq münasibətlər üzrə ixtisaslaşıb. Fransız və ingilis dillərini mükəmməl bilir.

Livan ordusu bazar günü ölkənin cənubundakı Mərceyun vilayətinə bağlı Meys əl-Cəbəl qəsəbəsində, İsrail ordusunun sərhəd yaxınlığında hərəkətə keçməsindən sonra yüksək hazırlıq vəziyyətinə gətirilib. Bu haqda Livan rəsmi xəbər agentliyi məlumat verib.

Suriyanın xarici işlər naziri Əsəd əş-Şeybani cümə günü Livana rəsmi səfər edəcək. AzerVoice xəbər verir ki, bu, ötən ilin sonunda Əsəd rejiminin süqutundan sonra onun Beyruta ilk səfəri olacaq. Səfərin məqsədi Suriya–Livan münasibətlərini və iki ölkə arasında açıq qalan məsələləri müzakirə etməkdir.

Rəsmi dairələr Vaşinqtona hökumətin Hizbullahın silahlarını mərhələli şəkildə toplamaq öhdəliyini təsdiqləsə də, prezident Aun ölkə daxilində fərqli siqnallar göndərir. Onun mesajı belədir ki, partiyaya qarşı hərbi addım yalnız geniş siyasi konsensus əldə olunandan sonra mümkündür, bəlkə də ümumiyyətlə mümkün deyil, çünki bu, ölkəni daxildən partlada bilər.

Aun qeyd edib ki, siyasi qüvvələrin hamısı bu tarixi fürsətdən istifadə edərək silahın yalnız dövlətin nəzarətində olması prinsipini dəstəkləməlidir.

Ad çəkilməsə də, bəyanatın hədəfi, açıq şəkildə İran yönümlü "müqavimət mediası" idi.

Digər bir tərəfdən maraqlıdır ki, “Ali rəhbərin” (vali-yi fəqih) dini təyinatı ilə hərəkət edən hərbi qrupla, dövlətin hüquqi və demokratik mexanizmləri çərçivəsində hərəkət edən milli ordu bir arada necə fəaliyyət göstərə bilər?”