BAKI,AzerVoice
Suriyanın xarici işlər naziri Əsəd əş-Şeybani cümə günü Livana rəsmi səfər edəcək. AzerVoice xəbər verir ki, bu, ötən ilin sonunda Əsəd rejiminin süqutundan sonra onun Beyruta ilk səfəri olacaq. Səfərin məqsədi Suriya–Livan münasibətlərini və iki ölkə arasında açıq qalan məsələləri müzakirə etməkdir.
Nazir Şeybani səfəri çərçivəsində Livan Prezidenti Cozef Aun, Baş nazir Nəvaf Salam və xarici işlər naziri Yusif Raci ilə görüşəcək. Hələlik Livan parlamentinin spikeri Nəbih Bərri ilə görüş üçün tarix müəyyən edilməyib.
Livanla sərhədlərin demarkasiyası və Rumiyə həbsxanasında saxlanılan suriyalı məhbuslar məsələsi Şeybaninin gündəliyində əsas müzakirə mövzuları olacaq. Bundan əlavə, sərhədlərin təhlükəsizliyinin təmin edilməsi və qaçaqmalçılığa qarşı birgə mübarizə də danışıqların əsas hissəsini təşkil edəcək.