BAKI,AzerVoice, Fərid Mikayılov

Mançester Yunatedinin müdafiəçisi Lisandro Martinez ağır zədələr fonunda peşəkar futbol karyerasını vaxtından əvvəl başa vurmağı ciddi şəkildə düşündüyünü açıqlayıb.

AzerVoice xəbər verir ki, argentinalı futbolçu uzunmüddətli zədə dövründə həm fiziki, həm də psixoloji baxımdan “daimi mübarizə” apardığını və özünü artıq futbolçu kimi hiss etmədiyini bildirib.

27 yaşlı müdafiəçi ötən ilin fevralında Kristal Pelasa qarşı matçda dizinin ön çarpaz bağlarını (ACL) zədələyib və doqquz ay yaşıl meydanlardan kənarda qalıb. Martinez etiraf edib ki, bərpanın ilk həftələrində futboldan tamamilə uzaqlaşmaq fikri onun üçün real seçimə çevrilib.

Argentinalı futbolçu zədədən sonra ilk iki-üç həftə ərzində futbolu davam etdirmək istəmədiyini, lakin ailəsinin, yaxın çevrəsinin və psixoloji dəstəyin onu bu qərardan döndərdiyini vurğulayıb.

Zədələr səbəbindən Martinez Mançester Yunaytedin vacib finallarında da iştirak edə bilməyib. O, 2023-cü ildə FA Kubokunun, 2024-cü ildə isə Avropa Liqası finalının iştirakçısı olmayıb.