BAKI, AzerVoice
"İnter Mayami" klubunun argentinalı hücumçusu Lionel Messi MLS-in iyul ayı üzrə ən yaxşı futbolçusu seçilib.
AzerVoice xəbər verir ki, bu barədə MLS-in rəsmi saytında məlumat verilib.
38 yaşlı Messi hesabat dövründə keçirdiyi altı oyunda səkkiz qol vurub və üç məhsuldar ötürmə edib. O, mayın 28-dən etibarən MLS-də keçirdiyi son yeddi oyunun altısında "dubl" (iki qol) edib.
Messi cari mövsümdə 18 qolla liqanın bombardirlər siyahısında birinci pillədədir.
Qeyd edək ki, Lionel Messi MLS-ə 2023-cü ildə keçdiyi vaxtdan bəri artıq dördüncü dəfə ayın ən yaxşı oyunçusu adına layiq görülür. Bu göstəriciyə görə o, yalnız Kris Vondolovski (7 dəfə), Lendon Donovan (6), Xosef Martines (6), Karlos Ruis (6) və Luçano Akostadan (5) geri qalır.