ABŞ Prezidenti Donald Trampın Miçiqan ştatında Demokratlar Partiyasının Senat seçkiləri üzrə praymerizini qazanan ərəb əsilli namizəd Əbdürrəhman əs-Seyyidlə bağlı paylaşımı ölkədə siyasi və ictimai mübahisələrə səbəb olub. Tramp “Truth Social” platformasında öz həyat yoldaşı Melaniya Trampla olan fotosu ilə Əbdürrəhman əs-Seyyidin hicablı həyat yoldaşı Sara ilə fotosunu yan-yana paylaşaraq “İki tamamilə fərqli Amerika” ifadəsini yazıb.

İsrailin Baş naziri Binyamin Netanyahu Qəzzada atəşkəsin ikinci mərhələsinin həyata keçirilməsi ilə bağlı Sülh Şurasının açıqladığı 15 maddəlik yol xəritəsini qəbul etmədiklərini bildirib. Netanyahu İsrail ordusunun HƏMAS tamamilə silahsızlandırılmayana qədər Qəzza zolağında nəzarət etdiyi ərazilərdən geri çəkilməyəcəyini açıqlayıb.

ABŞ Prezidenti Donald Trampın siyasi xətti bir çox hallarda Amerika tarixində əvvəlki prezidentlərin ideyaları ilə paralellər yaradır. Onun gözlənilməz qərarları, milli maraqları ön plana çıxaran siyasəti, ticarət məhdudiyyətləri və geniş prezident səlahiyyətləri anlayışı XIX əsrdə yaşamış bəzi ABŞ liderlərinin siyasi irsi ilə əlaqələndirilir.

41 yaşlı doktor Əbdürrəhman əs-Seyidin ABŞ Senatında Miçiqan ştatından vacib bir yer uğrunda Demokratlar Partiyasının praymerizində qazandığı qələbə xüsusi əhəmiyyət kəsb edir. Bu qələbə Partiya rəhbərliyinin favoriti sayılan konqresmen Heyli Stivensə qarşı gərgin mübarizə şəraitində əldə olunub. Əs-Seyid noyabrın 5-də keçiriləcək Konqresə aralıq seçkilərində Donald Trampın dəstəklədiyi respublikaçı namizəd Mayk Rocerslə qarşılaşacaq.

Prezident İlham Əliyev ABŞ Prezidenti Donald Trampa Vaşinqton Zirvə Görüşünün birinci ildönümü münasibətilə məktub ünvanlayıb. Dövlət başçısı Donald Trampın Azərbaycan-Ermənistan sülh prosesinə verdiyi töhfələri yüksək qiymətləndirib. Məktubda Vaşinqtonda əldə edilmiş razılaşmaların Cənubi Qafqazda davamlı sülh və sabitlik üçün mühüm rol oynadığı vurğulanıb. İlham Əliyev ötən bir ildə Azərbaycan ilə Ermənistan arasında iqtisadi və ticarət əlaqələrinin inkişafı istiqamətində atılan addımlara diqqət çəkib. Dövlət başçısı Tramp marşrutunun regional nəqliyyat və iqtisadi əməkdaşlıq baxımından əhəmiyyətini qeyd edib. Məktubda Azərbaycan-ABŞ münasibətlərinin strateji tərəfdaşlıq mərhələsinə yüksəldiyi bildirilib. Prezident 907-ci düzəlişin tətbiqinin dayandırılması müddətinin uzadılmasını tarixi ədalətin bərpası istiqamətində mühüm addım kimi qiymətləndirib. İlham Əliyev Azərbaycan-ABŞ münasibətlərinin 34 illik diplomatik əlaqələr tarixində ən yüksək səviyyəyə çatdığını vurğulayıb.

Prezident İlham Əliyevlə ABŞ Prezidenti Donald Tramp arasında avqustun 8-də telefon danışığı olub. Dövlət başçıları Vaşinqton Zirvə Görüşünün ildönümünü və Azərbaycan-Ermənistan sülh prosesində əldə edilən nəticələri müzakirə ediblər. İlham Əliyev sülh gündəliyinə verdiyi töhfələrə görə Donald Trampa minnətdarlığını bildirib. Donald Tramp isə sülh prosesində Azərbaycan Prezidentinin rolunu yüksək qiymətləndirib. Tərəflər Azərbaycanla Ermənistan arasında iqtisadi və ticarət əlaqələrinin inkişafını müsbət qiymətləndiriblər. Regional nəqliyyat bağlantılarının inkişafı və Tramp marşrutunun həyata keçirilməsi məsələsinə də toxunulub. Azərbaycanla ABŞ arasında strateji tərəfdaşlığın yeni səviyyəyə yüksəldiyi vurğulanıb. İlham Əliyev Azərbaycanın İyirmilik Qrupunun toplantısına dəvətinə görə Donald Trampa təşəkkür edib.

Qəzzada atəşkəsin ikinci mərhələsinin həyata keçirilməsi ilə bağlı danışıqlar İsrail hökumətində fikir ayrılıqlarını dərinləşdirib. ABŞ administrasiyasının İsrailə iki həftəlik atəşkəsə razılaşması və HƏMAS-ın silahsızlandırılmasını nəzərdə tutan planı qəbul etdirmək üçün təzyiqi artırdığı bildirilir.

Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Vaşinqton sammitinin ildönümü ilə bağlı paylaşım edib. “Prezident İlham Əliyev müharibədə qalib gəldi, həm də sülhü qazandı! Vaşinqton Sülh Sammitindən bir il ötür”, - deyə Hikmət Hacıyev "X" sosial şəbəkə hesabında yazıb.

ABŞ Azərbaycan və Ermənistan arasında münasibətlərdə əldə olunan irəliləyişi müsbət qiymətləndirib

8 avqust 2025-ci il tarixində keçirilmiş Vaşinqton sammiti Ermənistanı dalandan çıxarıb və ölkə qarşısında istifadə edilməli olan perspektivlər açıb. Bunu Ermənistanın Baş naziri Nikol Paşinyanın Vaşinqtonda keçirilmiş üçtərəfli zirvə görüşünün birinci ildönümü münasibətilə ünvanladığı müraciətdə bildirib.

Tarixi Vaşinqton sammitindən bir il ötür və artıq TRIPP layihəsinin praktiki icrasına keçməyin vaxtıdır

8 avqust 2025-ci il bir gündə yaranmış diplomatik nəticə deyil

Ötən on iki ay ərzində region əhəmiyyətli dərəcədə dəyişib

ABŞ-ın federal hakimi Patti Saris Tramp administrasiyasına Cənubi Sudan vətəndaşları üçün Müvəqqəti Qorunan Statusun (TPS) ləğvinə icazə verib. Qərar Ali Məhkəmənin Haiti və Suriya ilə bağlı analoji qərarından sonra qəbul olunub. TPS proqramı münaqişə və ya təbii fəlakət yaşayan ölkələrin vətəndaşlarına deportasiyadan müvəqqəti müdafiə və işləmək hüququ verir. ABŞ hökuməti isə Cənubi Sudanın artıq bu status üçün şərtlərə cavab vermədiyini bildirir.

ABŞ Prezidenti Donald Tramp Federal Rabitə Komissiyasının boş yerlərindən birinə FCC sədri Brendan Karrın baş hüquq müşaviri Danielle Tuman Seversi namizəd göstərib. Namizədlik Trampın bəzi televiziya yayımçılarının lisenziyalarının ləğvi ilə bağlı çağırışlar etdiyi dövrə təsadüf edir. Seversin namizədliyi Senat tərəfindən təsdiqlənəcəyi təqdirdə o, FCC-nin beş üzvündən biri olacaq.

Hörmüz boğazında beynəlxalq dəniz missiyası yaratmaq təşəbbüsü hələlik nəticə verməyib. ABŞ mart ayında müttəfiqlərini və Çini bu təşəbbüsə qoşulmağa çağırsa da, əksər ölkələr ehtiyatlı mövqe nümayiş etdiriblər. Böyük Britaniya və Fransa isə missiyaya rəhbərlik etməyə hazır olduqlarını bildiriblər. Vaşinqton İranla müharibə fonunda koalisiya ideyasını dəstəkləməyə davam edir.

ABŞ Prezidenti Donald Tramp İrana qarşı müharibənin yaxın zamanda başa çata biləcəyini və Vaşinqtonun Tehranla aparılan danışıqlarda iştirak etdiyini bildirib. İran isə ABŞ-la birbaşa danışıqlar apardığını inkar edərək yalnız Omanla Hörmüz boğazı məsələsini müzakirə etdiyini açıqlayıb. Tramp həmçinin ötən həftə İrana qarşı planlaşdırılan hərbi əməliyyatı diplomatik irəliləyiş ümidi ilə ləğv etdiyini və ABŞ-ın raket ehtiyatlarının tükəndiyi barədə məlumatları rədd etdiyini deyib.

ABŞ Prezidenti Donald Tramp Truth Social platformasında paylaşdığı açıqlamada müdafiə naziri Pit Heqsetə dəstəyini ifadə edib və İrana qarşı aparılan hərbi əməliyyatların "çox yaxşı getdiyini" bildirib. Tramp əməliyyatların məqsədinin İranın nüvə silahına sahib olmasının qarşısını almaq olduğunu vurğulayıb. İran tərəfi hələlik bu açıqlamaya rəsmi reaksiya verməyib.

ABŞ Senatının Daxili Təhlükəsizlik və Hökumət İşləri Komitəsi keçmiş baş infeksion xəstəliklər üzrə mütəxəssis Entoni Fauçinin Konqresə hörmətsizlikdə ittiham olunması ilə bağlı müraciəti təsdiqləyib. Fauçi COVID-19 pandemiyası ilə bağlı dinləmələrdə Beşinci Düzəlişə əsaslanaraq 100 dəfədən çox susmaq hüququndan istifadə edib. Respublikaçı senator Rend Pol Fauçinin pandemiya dövründə koronavirusun mənşəyi ilə bağlı məlumatları gizlətdiyini iddia edir. Komitənin qərarı pandemiya siyasətinin yenidən qiymətləndirilməsi istiqamətində atılan ən ciddi addımlardan biri hesab olunur.

Kanadanın Baş naziri Mark Karni ölkəsinin Beynəlxalq Cinayət Məhkəməsinə dəstəyinin davam edəcəyini açıqlayıb. O bildirib ki, Kanada məhkəməni maliyyə, kadr və siyasi baxımdan dəstəkləyir və bu mövqeyini dəyişməyəcək. Karni qlobal qeyri-sabitlik şəraitində BCM-nin rolunun artdığını vurğulayıb. Bu açıqlama ABŞ-nin BCM-yə qarşı tənqidləri və bəzi məhkəmə rəsmilərinə tətbiq etdiyi sanksiyalar fonunda səsləndirilib.

İran Prezidenti Məsud Pezeşkian HƏMAS rəhbərliyi ilə telefon danışığında Tehranın Qəzza danışıqlarında Fələstin tərəfinin qəbul edəcəyi bütün qərarları dəstəkləyəcəyini bildirib. Bu açıqlama Donald Trampın HƏMAS-ın silahsızlanmağa razılaşdığı barədə iddiasından sonra verilib. İsrail HƏMAS tam silahsızlaşdırılmadan Qəzzadan çıxmayacağını bildirir, HƏMAS isə İsrail qoşunlarının tam geri çəkilməsini əsas şərt kimi irəli sürür. Baş nazir Benyamin Netanyahu isə Trampın planını qəbul etmədiklərini açıqlayıb.

İran parlamentinin Milli Təhlükəsizlik Komitəsinin üzvü İsmayıl Kövsəri Donald Trampın İranla danışıqlara dair açıqlamalarını ziddiyyətli və etibarsız adlandırıb. O bildirib ki, Tramp Hörmüz boğazının açıq olduğunu 75 dəfə, İranın məğlub olduğunu 106 dəfə və Tehranla razılaşmanın yaxın olduğunu 88 dəfə bəyan edib. Kövsərinin sözlərinə görə, bu açıqlamalar reallığı əks etdirmir. İran rəsmiləri Vaşinqtonla birbaşa danışıqlar aparıldığı barədə iddiaları yenidən təkzib ediblər.

ABŞ Müdafiə Nazirliyi (Pentaqon) İranla müharibə zamanı amerikalı hərbçilərin ölümü və yaralanması ilə bağlı statistikanın hesablanması qaydasını dəyişib. ABŞ mediasının yazdığına görə, yeni sistem itkilərin ümumi sayının ictimaiyyətə daha aşağı göstərilməsinə səbəb ola bilər.

İsrailin Baş naziri Benyamin Netanyahu HƏMAS tam silahsızlaşdırılmadan İsrail ordusunun Qəzza zolağındakı mövqelərindən geri çəkilməyəcəyini bəyan edib. Baş nazirin sözlərinə görə, Tramp administrasiyası HƏMAS-ın silahsızlaşdırılması və Qəzzanın hərbsizləşdirilməsinə nail ola biləcəyini düşünür. Netanyahu isə bildirib ki, İsrail üçün əsas şərt HƏMAS-ın tam silahsızlaşdırılmasıdır və bu baş vermədən ordunun geri çəkilməsi mümkün deyil.