BAKI,VOA
ABŞ 2025-ci il Vaşinqton sammitindən sonra Azərbaycan və Ermənistan arasında münasibətlərdə əldə olunan irəliləyişi müsbət qiymətləndirərək, bunu uzunmüddətli sülhün bərqərar olması yolunda tarixi addım adlandırıb.
Bu barədə ABŞ-nin Azərbaycandakı müvəqqəti işlər vəkili Emi Karlon sammitin birinci ildönümü münasibətilə ABŞ-nin Azərbaycandakı Səfirliyinin rəsmi "X" hesabında yayımlanan videomüraciətində bildirib.
"Düz bir il əvvəl bugün, avqustun 8-də Prezident Tramp Ağ Evdə Prezident Əliyevi və Baş Nazir Paşinyanı tarixi sülh sammitində qəbul etdi. Bu tarixi ildönümündə, ötən il ərzində əldə olunan uğurları nəzərdən keçirməkdən məmnunluq duyuram.Avqustun 8-dən bəri Azərbaycan və Ermənistan liderləri Ağ Ev Sammitinin ruhuna sadiq qaldıqlarını nümayiş etdirərək, davamlı sülhə doğru cəsarətli və konkret addımlar atıblar.
Keçən ilin iyun ayında Bakıya gələndə az tərəfdaş təsəvvür edərdi ki, cəmi bir il sonra biz mütəmadi vətəndaş cəmiyyəti mübadilələrini və ilkin sərhədyanı ticarəti, o cümlədən Ermənistanın Azərbaycan yanacağını mütəmadi almasını görəcəyik.8 Avqust sazişlərinin əsas təməl daşı Beynəlxalq Sülh və Rifah üçün Tramp Marşrutunun (TRIPP) təsis edilməsi idi. Bu marşrut Azərbaycana Naxçıvana maneəsiz çıxış təmin edəcək, inteqrasiyanı və Şərq-Qərb əlaqələrini gücləndirəcək, Azərbaycana və geniş regiona qarşılıqlı iqtisadi fayda və rifah gətirəcək",- deyə o bildirib.
Karlon əlavə edib ki, son bir il ərzində TRIPP-in həyata keçirilməsi çərçivəsində əhəmiyyətli irəliləyiş əldə olunub və layihə inkişafını davam etdirəcək.
"Bu marşrut Azərbaycana Naxçıvana maneəsiz çıxış təmin edəcək, inteqrasiyanı və Şərq-Qərb əlaqələrini gücləndirəcək, Azərbaycana və geniş regiona qarşılıqlı iqtisadi fayda və rifah gətirəcək",-deyə o vurğulayıb.
O, həmçinin Vaşinqton sammitindən sonra Azərbaycan-ABŞ münasibətlərinin genişləndiyini vurğulayıb. Onun sözlərinə görə, ABŞ Prezidenti Donald Tramp və Azərbaycan Prezidenti İlham Əliyev ikitərəfli münasibətlərin yeni səviyyəyə çıxarılmasına yönəlmiş anlaşma memorandumu imzalayıblar. Diplomatın qeyd etdiyi kimi, bu proses sonradan 2026-cı ilin fevralında Bakıda ABŞ və Azərbaycan arasında Strateji Tərəfdaşlıq Xartiyasının imzalanması ilə nəticələnib. “O vaxtdan bəri azərbaycanlı tərəfdaşlarımızla işləyərək strateji tərəfdaşlığın həyata keçirilməsinə başlamışıq.”, – deyə müvəqqəti işlər vəkili bildirib.
Karlon qeyd edib ki, iki ölkə arasında əməkdaşlıq yüksək səviyyəli təmasların sayının artması, kritik əhəmiyyətli faydalı qazıntılar sahəsində əməkdaşlıq haqqında memorandumun imzalanması, ilk ABŞ-Azərbaycan iqtisadi dialoqunun keçirilməsi, eləcə də ABŞ şirkətlərinin iştirakı ilə iri kommersiya sazişlərinin bağlanması hesabına genişlənib. "Hər iki istiqamətdə yüksək səviyyəli dövlət rəsmilərinin və özəl sektor nümayəndələrinin Azərbaycanın müstəqilliyindən bəri heç vaxt olmadığı qədər çox səfərlərinin şahidi olmuşuq", - deyə o bildirib.
Diplomat vurğulayıb ki, son bir ildə əldə olunan irəliləyiş ölkələr arasında əməkdaşlıq potensialını nümayiş etdirir.
“Prezident Tramp ABŞ-nin Cənubi Qafqaz regionunda sülh və rifaha sadiqliyini aydın şəkildə bildirib. Ötən il ərzində əldə etdiyimiz tərəqqi birlikdə işlədikdə nələrin mümkün olduğunu göstərir. Əminəm ki, ölkələrimiz gələcək illərdə daha bir çox uğurlara imza atacaqlar”, – deyə Karlon bildirib.
Xatırladaq ki, 2025-ci il avqustun 8-də Azərbaycan Respublikasının Prezidenti İlham Əliyev, Amerika Birləşmiş Ştatlarının Prezidenti Donald Tramp və Ermənistan Respublikasının Baş naziri Nikol Paşinyan Azərbaycan Respublikasının Prezidenti və Ermənistan Respublikasının Baş nazirinin Vaşinqtonda görüşünə dair Birgə Bəyannamə imzalayıblar.
Həmin gün Vaşinqtonda Azərbaycan Respublikasının Prezidenti İlham Əliyevin Amerika Birləşmiş Ştatlarının Prezidenti Donald Tramp və Ermənistan Respublikasının Baş naziri Nikol Paşinyanla görüşü çərçivəsində Azərbaycan Respublikasının xarici işlər naziri Ceyhun Bayramov və Ermənistan Respublikasının xarici işlər naziri Ararat Mirzoyan “Azərbaycan Respublikası və Ermənistan Respublikası arasında sülhün və dövlətlərarası münasibətlərin təsis edilməsinə dair Saziş” layihəsini paraflayıblar. Ermənistan” və Azərbaycan Respublikası və Ermənistan Respublikası xarici işlər nazirlərinin ATƏT-in fəaliyyətdə olan sədrinə (ATƏT-in Minsk prosesinin bağlanması, Minsk Konfransı tərəfindən müzakirə edilən münaqişə üzrə ATƏT-in fəaliyyətdə olan sədrinin şəxsi nümayəndəsi və Yüksək Səviyyəli Planlaşdırma Qrupuna) birgə müraciəti imzalayıblar. Onlar Azərbaycan Respublikası və Ermənistan Respublikası xarici işlər nazirlərinin ATƏT-in fəaliyyətdə olan sədrinə birgə müraciətini (ATƏT-in Minsk Prosesinin, ATƏT-in fəaliyyətdə olan sədrinin Minsk konfransının müzakirəsində olan münaqişə üzrə şəxsi nümayəndəsi və Yüksək Səviyyəli Planlaşdırma Qrupunun bağlanması barədə) imzalayıblar.