ABŞ Prezidenti Donald Tramp "The Atlantic" jurnalına verdiyi eksklüziv müsahibədə İranın yeni rəhbərliyinin Vaşinqtonla dialoq qurmaq istədiyini və bu təklifi qəbul etdiyini bəyan edib. Tramp yeni rəhbərliklə danışıqlara hazır olduğunu bildirsə də, hələlik konkret görüş vaxtının müəyyən edilmədiyini qeyd edib.

ABŞ Prezidenti Donald Tramp "Fox News" telekanalına verdiyi müsahibədə İranla bağlı son hərbi əməliyyatların gedişatı haqqında mühüm açıqlamalar verib. Tramp bildirib ki, ABŞ və İsrail tərəfindən həyata keçirilən bombardmanlar nəticəsində 48 İranlı lider öldürülüb. Prezident əldə olunan nəticəni böyük uğur adlandıraraq, tək bir zərbə ilə bu qədər rəhbər şəxsin məhv edilməsinin inanılmaz olduğunu və prosesin sürətlə irəlilədiyini vurğulayıb.

İrandan Azərbaycana təxliyə davam edir. Azərbaycan vətəndaşları ilə yanaşı xarici ölkə vətəndaşları, xarici ölkələrin İrandakı səfirliklərin əməkdaşları, diplomatlar və s. təxliyə olunurlar. Azərbaycan aidiyyatı dövlət qurumları təxliyə üçün lazım olan zəruri tədbirləri davam etdirir. Vətəndaşların təhlükəsiz şəkildə daşınması məqsədilə xüsusi avtobuslar ayrılıb, həmçinin ərazidə təcili tibbi yardım briqadaları cəlb olunub və digər operativ xidmətlər hazır vəziyyətə gətirilib.

İranda Müvəqqəti Liderlik Şurası öz işinə başlayıb.Pezeşkian bildirib ki, İran İslam İnqilabının banisi Ayətulla Seyid Ruhulla Xomeyni və Ali Lider Ayətullah Seyid Əli Xameneinin yolunu davam etdirəcək.İran prezidenti əlavə edib ki, İran Silahlı Qüvvələri qarşı tərəflərin hərbi bazalarını var-gücü ilə vurmaqdadır.

İranda Müvəqqəti Liderlik Şurasının üzvləri İran prezidenti Məsud Pezeşkian, Məhkəmə Sisteminin sədri Qulamhüseyn Mohseni Ejeyi və Konstitusiyaya Nəzarət Şurasının üzvlərindən biri Ayətulla Əlirza Ərafi olacaq. Bunu İranın Məsləhət Şurasının sözçüsü Möhsün Dehnəvi “X” platformasındakı hesabında bildirib.

İran prezidenti Məsud Pezeşkian təhlükəsiz vəziyyətdədir. Bu barədə prezident administrasiyasının ictimaiyyətlə əlaqələr şöbəsinin rəhbəri Məhəmməd Mehdi Tabatabai məlumat verib. «Prezident tam təhlükəsiz və sağlam vəziyyətdədir», – "X"də dərc olunan bəyanatda bildirilib.

İsrail və ABŞ-nin İrana hərbi hava hücumları nəticəsində İranın Hüquq-Mühafizə Komandanlığının Təhlükəsizlik Xidmətinin rəhbəri briqada-generalı Qulamrza Rzayian öldürülüb. Məlumata görə, sözügedən hərbi rəsmi ötən gün həyata keçirilən hücumlar nəticəsində ölüb.

İranın 4 yüksək rütbəli hərbi rəsmisinin ölümü İran tərəfindən təsdiqlənib. Bu barədə İranın Müqəddəs Müdafiə və Müqavimət Dəyərlərinin Qorunması və Yayımı Müəssisəsi məlumat yayıb. Məlumata görə, İran Ordusunun Baş Qərargah rəisi general-mayor Əbdülrəhim Musəvi, İran İslam İnqilabı Keşikçilər Korpusunun (SEPAH) baş komandanı Məhəmməd Pakpur, İranın Ali Liderinin müşaviri və Müdafiə Şurasının katibi Əli Şəmxani, müdafiə naziri Əziz Nəsirzadə hərbi hava hücumları zamanı ölüblər.

ABŞ və İsrailin İrana zərbə endirməsi fonunda qonşu ölkədən təxliyə olunan vətəndaşların daşınması üçün zəruri tədbirlər həyata keçirilir. ətəndaşların təhlükəsiz şəkildə daşınması məqsədilə xüsusi avtobuslar ayrılıb, həmçinin ərazidə təcili tibbi yardım briqadaları cəlb olunub və digər operativ xidmətlər hazır vəziyyətə gətirilib.

İslam Əməkdaşlıq Təşkilatı Baş Katibliyi İranın Səudiyyə Ərəbistanı, Birləşmiş Ərəb Əmirlikləri, Bəhreyn, Qətər, Küveyt və İordaniyanın suverenliyinə və ərazilərinə qarşı hərəkətlərini qətiyyətlə pisləyib. Baş Katiblik bu hərəkətləri regional sabitliyə və sülhə təhdid yaradan qəbuledilməz eskalasiya adlandırıb.

Azərbaycanın yeddi vətəndaşı ABŞ və İsrailin İrana zərbə endirməsi fonunda qonşu ölkədən təxliyə edilib. Xatırladaq ki, fevralın 17-də Vaşinqton və Tehran arasında keçirilən nüvə danışıqlarının ikinci raundu irəliləyişsiz başa çatdıqdan sonra ABŞ İrana yaxın ərazilərdə mövcudluğunu artıraraq Avropa və Yaxın Şərqdəki bazalara 150-dən çox təyyarə yerləşdirib. Qeyd edək ki, fevralın 26-da Cenevrədə İran və ABŞ arasında İranın nüvə proqramı ilə bağlı danışıqların üçüncü raundu keçirilib. ABŞ Prezidenti Donald Tramp administrasiyasında baş tutan görüş vəziyyətin diplomatik yolla tənzimlənməsi üçün son şans kimi qiymətləndirilirdi. Danışıqlarda konkret razılaşmalar əldə olunmayıb. Tehran uranın zənginləşdirilməsini dayandırmaqdan, nüvə obyektlərini demontaj etməkdən və nüvə proqramının inkişafına müddətsiz məhdudiyyətlər tətbiq etməkdən imtina edib. Fevralın 28-də səhər saatlarında İsrail və ABŞ İrana hərbi hava hücumlarına başlayıb.

Türkiyənin Xarici İşlər Naziri Hakan Fidan, İran, İraq, Səudiyyə Ərəbistanı, Qətar, Suriya, Misir və İndoneziya Xarici İşlər Nazirləri ilə telefon danışığı aparıb. İran ilə ABŞ arasındakı müzakirələr davam edərkən, İsrail və ABŞ sabah saatlarında İrana birgə hücumlar həyata keçirib.

İsrailin İranın cənubunda yerləşən Hörmüzqan vilayətinin Minab rayonunda qız ibtidai məktəbinə hücumu nəticəsində 24 şagird ölüb, 60 nəfər isə yaralanıb. Xatırladaq ki, fevralın 17-də Vaşinqton və Tehran arasında keçirilən nüvə danışıqlarının ikinci raundu irəliləyişsiz başa çatdıqdan sonra ABŞ İrana yaxın ərazilərdə mövcudluğunu artıraraq Avropa və Yaxın Şərqdəki bazalara 150-dən çox təyyarə yerləşdirib.

Kazan–Dubay və Moskva–Dubay marşrutları üzrə hərəkət edən hava gəmilər ehtiyat hava limanı qismində Heydər Əliyev Beynəlxalq Aeroportuna eniş üçün müraciət ediblər.

ABŞ Prezidenti Donald Tramp İrandakı hərbi əməliyyatların gedişinə dair növbəti bəyanatla çıxış edib. Donald Tramp İrandakı vəziyyətin “hədsiz dərəcədə təhlükəli” olduğunu bildirərək mülki əhaliyə evlərində qalmaq çağırışı edib. Onun sözlərinə görə, hazırkı şəraitdə açıq məkanlarda qalmaq ciddi risk yaradır. Prezident müraciətində İran xalqına siyasi mesaj da ünvanlayıb. O qeyd edib ki, proses başa çatdıqdan sonra İran xalqı öz taleyini müəyyən etmək imkanına malik ola bilər və bunu “nəsillər boyu yaranan nadir fürsət” kimi qiymətləndirib.

XİN Azərbaycan vətəndaşlarını İsrail Dövlətinə səfərdən çəkinməyə çağırıb.

ABŞ Prezidenti Donald Tramp bir az əvvəl dünya gündəmini sarsıdan rəsmi bəyanatla çıxış edib. Tramp Birləşmiş Ştatların İrana qarşı genişmiqyaslı hərbi müdaxiləyə başladığını elan edib. Prezident Tramp çıxışında bu ifadələri işlədib: "Bir az əvvəl İranda genişmiqyaslı döyüş əməliyyatlarına başladıq. Məqsədimiz İran rejimindən gələn qaçılmaz təhdidləri aradan qaldırmaqla Amerika xalqını müdafiə etməkdir." Bu bəyanat ABŞ-ın Orta Şərq siyasətində yeni və birbaşa hərbi toqquşma mərhələsinə keçdiyini rəsmən təsdiqləyir.

İsrail İrana qarşı "qabaqlayıcı zərbə" endirdiyini açıqladı. İranın paytaxtı Tehranda partlayış səslərinin eşidildiyi bildirilir.İsrail müdafiə nazirliyinin verdiyi açıqlamada İran ərazisində ümumilikdə ondan çox hərbi obyektin vurulduğu bildirilib. Hadisə ilə bağlı açıqlama verən İsrailin müdafiə naziri İsrael Kats ölkə daxilində fövqəladə vəziyyət elan edildiyini bəyan edib.

Ukrayna Prezidenti Volodimir Zelenski İngiltərə və Fransanın nüvə silahı verməsi ehtimalı ilə bağlı danışarkən, belə bir təklif almadıqlarını, lakin təklif olunarsa, bunu məmnuniyyətlə qəbul edəcəklərini bildirib. O, Rusiyanın bu mövzudakı ittihamlarının əsassız olduğunu qeyd edib. Cəbhədəki vəziyyəti dəyərləndirən Zelenski, itirilmiş torpaqları geri almağın hazırda böyük insan itkisi hesabına başa gələcəyini, lakin bu ərazilərdən imtina etməyəcəklərini vurğulayıb. Prezidentin sözlərinə görə, əsgərlərin geri çəkilməsi Rusiyanın daha 200 min insanı əsir götürməsi və qətlə yetirməsi deməkdir. O, bu bölgələrin həm Ukraynanın müdafiə xətti, həm də "qırmızı xətti" olduğunu deyib.

ABŞ Prezidenti Donald Tramp Pakistan və Əfqanıstan arasında gərginləşən hərbi qarşıdurma ilə bağlı mühüm bəyanat verərək rəsmi İslamabadın yanında olduğunu bildirib. Teksas ştatına səfəri öncəsi Ağ Evin qarşısında jurnalistlərin suallarını cavablandıran Donald Tramp, iki ölkə arasındakı münaqişənin genişmiqyaslı müharibəyə çevrilməsi ehtimalına münasibət bildirib. Prezident ABŞ-ın bu prosesə müdaxilə edib-etməyəcəyi ilə bağlı suala cavab verərkən Pakistan rəhbərliyi ilə münasibətlərinin yüksək səviyyədə olduğunu vurğulayıb.

ABŞ Prezidenti Donald Tramp İranın nüvə ambisiyaları və regional davranışı ilə bağlı sərt mövqeyini bir daha bəyan edib. Omanın vasitəçiliyi ilə Cenevrədə keçirilən qeyri-birbaşa danışıqlar fonunda çıxış edən Tramp, "İranın nüvə silahına sahib olması qətiyyən mümkün deyil" deyərək Vaşinqtonun qırmızı xəttini çəkib.

ABŞ Vitse-prezidenti Cey Di Vens "Washington Post" qəzetinə verdiyi müsahibədə bildirib ki, Prezident Donald Tramp İran məsələsində hələ son qərarını verməyib. Vens vurğulayıb ki, ABŞ keçmişdəki hərbi müdaxilə səhvlərini təkrarlamamağa çalışır, lakin bu, Vaşinqtonun lazım gələrsə hərbi gücdən istifadə etməyəcəyi anlamına gəlmir. "Orta Şərqdə illərlə sürəcək və sonu görünməyən bir müharibənin içində olacağımıza ehtimal yoxdur" deyən Vens, mümkün hərbi zərbələrin dəqiq və nəticəyönümlü olacağına işarə edib.

Venesuelanın keçid dövrü üzrə dövlət başçısı Delsi Rodrigez, paytaxt Karakasda gənc aktivistlərlə keçirilən tədbirdə çıxış edərək ABŞ-a mühüm ismarışlar göndərib. ABŞ-ı "ortaq və dost" kimi xarakterizə edən Rodrigez, ölkəsinə qarşı illərdir tətbiq olunan bütün sanksiyaların və blokadanın dərhal dayandırılmasını tələb edib.

ABŞ və İran nümayəndə heyətləri Cenevrədə nüvə proqramı ilə bağlı danışıqların üçüncü raundunu keçiriblər. Məlumata görə, ABŞ Prezidenti Donald Tramp İranın nüvə proqramını məhdudlaşdıracaq razılaşmanın əldə olunmasında maraqlıdır və hazırkı vəziyyəti diplomatik irəliləyiş üçün fürsət kimi dəyərləndirir.