ABŞ dövlət katibi Marko Rubio bildirib ki, Prezident Donald Tramp NATO-nun İran müharibəsinə verdiyi reaksiyadan çox məyusdur. İspaniyanın ABŞ–İsrail əməliyyatları zamanı Amerika ordusuna hərbi bazalardan istifadə etməyə icazə verməməsi NATO daxilində narazılığı artırıb. Rubio qeyd edib ki, bu məhdudiyyət alyansın məqsədini sual altına qoyur və Trampın narazılığı diplomatik gərginliyi daha da dərinləşdirir.

ABŞ Prezidenti Donald Tramp ilə İsrail Baş naziri Benyamin Netanyahu arasında İran məsələsində fikir ayrılığı yaranıb. Axios-un mənbələri bildirir ki, Tramp Netanyahuya ABŞ və İranın imzalayacağı, savaşı rəsmi olaraq sona çatdıracaq və İranın nüvə proqramı ilə Hörmüz Boğazının açılması kimi məsələləri əhatə edən 30 günlük danışıqlar prosesini başlatmaq üçün “niyyət məktubu” üzərində işlədiklərini bildirib.

The Wall Street Journal (WSJ) Trampın Venesuelada tətbiq etdiyi nümunəni Kuba üçün də nəzərdə tutduğunu bildirir. Mənbələrə görə, ABŞ rəsmiləri Kuba hökumətinə yaxın şəxsləri izləyir və Raul Kastronun rəhbərlik etdiyi hökuməti dəyişdirmək üçün mümkün razılaşma axtarır. Trampın yanaşması Venesuelada Maduronun qarşısında tətbiq olunan təzyiq və ABŞ-la əməkdaşlıq edən müvəqqəti lider Delsi Rodrigesin nümunəsinə əsaslanır.

ABŞ və İran arasında Hörmüz boğazı ilə bağlı yaranan dalan vəziyyətinin yaxın zamanda həll olunması çətin görünür, CSIS-in baş tədqiqatçısı Uill Todman bu qarşıdurmanın bir müddət davam edə biləcəyini bildirib. Todmanın sözlərinə görə, İran hesab edir ki, blokada uzandıqca ABŞ daxilində prezident Donald Trampa təzyiqlər artacaq və digər ölkələr qlobal iqtisadi təsirlərə görə Vaşinqton və İsraili daha yumşaq mövqe tutmağa məcbur edə bilər.

ABŞ prezidenti Donald Tramp İrana nüvə silahının əldə olunmasına icazə verilməyəcəyini vurğulayıb, ordunun hazır olduğunu qeyd edib və gələn həftənin əvvəlinə qədər qərar verə biləcəyini bildirib; açıqlamalar həm Vaşinqtonun Tehrana təzyiqini, həm də ABŞ daxilində gərginliyi artırır.

ABŞ Prezidenti Donald Tramp administrasiyası, Kubaya qarşı iqtisadi və diplomatik təzyiqlərin nəticə verməməsi səbəbindən hərbi müdaxilə seçimini daha ciddi şəkildə nəzərdən keçirir. Xatırladaq ki, ABŞ 30 yanvar tarixində Kubaya neft tədarük edən ölkələrdən gələn mallara gömrük rüsumu tətbiq etmiş, Kubanın enerjiyə çıxışını məhdudlaşdırmışdı. ABŞ-ın bu addımı ölkənin “zərərli siyasətlərinə” qarşı milli təhlükəsizlik və xarici siyasət maraqlarını qorumaq məqsədilə atıldığı bildirilmişdi

Donald Tramp ABŞ-ın İranla danışıqlar prosesində artan narazılığını ifadə edib, hərbi əməliyyat ssenariləri nəzərdən keçirilib və tərəflər arasında razılaşmanın daha tez əldə olunmasının vacibliyi vurğulanıb.

İran Müdafiə Nazirliyinin sözçüsü, briqada generalı Rza Təlai-Nik ABŞ və İsrailə sərt xəbərdarlıq edib. O bildirib ki, İran Silahlı Qüvvələri ölkəyə qarşı mümkün yeni hücumlara cavab verməyə tam hazırdır. Rza Təlai-Nik açıqlamasında son qarşıdurmaların ABŞ hegemonluğunun zəiflədiyini göstərdiyini iddia edib. Onun sözlərinə görə, artıq bir çox ölkə Vaşinqtonun təkqütblü siyasətinin çökməyə başladığını anlayır.

Trampın bu paylaşımı Çin səfərindən qayıtdıqdan dərhal sonraya təsadüf edir. Hazırda dünya Vaşinqtonun fevralın 28-də İsrail ilə birlikdə İrana qarşı başlatdığı müharibədə növbəti addımının nə olacağını maraqla gözləyir. ABŞ mediası Trampın Pekin səfəri zamanı "heç bir nəzərəçarpan irəliləyiş" əldə edə bilmədiyini yazsa da, prezident çinli həmkarı Si Cinpinin Tehranın Hörmüz boğazını yenidən açmalı olduğu fikri ilə razılaşdığını bildirib. Lakin Çin tərəfi bu məsələyə müdaxilə edəcəyinə dair hələlik heç bir rəsmi işarə verməyib.

ABŞ Prezidenti Donald Tramp İranla sülh razılaşmasının əldə olunmaması halında ölkəni ciddi nəticələrin gözlədiyini bildirib. Eyni zamanda, Tehran tərəfi Vaşinqtonun niyyətlərinə dair etimadsızlığın davam etdiyini açıqlayıb. Bununla yanaşı, İranın xarici işlər naziri Abbas Əraqçi bildirib ki, Tehran Tramp administrasiyasından yeni danışıqlara hazırlıqla bağlı mesajlar alıb.

ABŞ Prezidenti Donald Tramp ABŞ və Nigeriya qüvvələrinin birgə əməliyyatı nəticəsində terror təşkilatı İŞİD-in qlobal səviyyədə ikinci əsas fiquru hesab edilən Əbu-Bilal əl-Minukinin zərərsizləşdirildiyini açıqlayıb.

Tayvan ABŞ Prezidenti Donald Trampın adanın rəsmi müstəqilliyi ilə bağlı xəbərdarlığından sonra öz suveren mövqeyini bir daha vurğulayıb. Tayvan Xarici İşlər Nazirliyi yaydığı bəyanatda adanın demokratik, müstəqil və suveren dövlət olduğunu bildirib və onun Çin Xalq Respublikasına tabe olmadığını qeyd edib.

Çin xarici işlər naziri Van Yi bildirib ki, Hörmüz boğazı böhranının həlli Vaşinqton və Tehran arasında daimi və hərtərəfli atəşkəs əldə olunmasından keçir. Prezident Si Cinpin vurğulayıb ki, güc yolu ilə problemlər həll olunmaz, yeganə düzgün yol dialoqdur. Çin sülh danışıqlarını təşviq etməyə və Yaxın Şərqdə sabitlik yaratmağa hazırdır.

ABŞ Prezidenti Donald Tramp Çinlə aparılan danışıqlarda müharibənin dayandırılması və Hörmüz boğazının açılması məsələlərində razılığa gəldiklərini bildirib. Lakin danışıqların təfərrüatları açıqlanmamış və hazırkı mərhələdə rəsmi öhdəlik alınmadığı bildirilir.

Almaniya Kansleri Fridrix Merts Çindən geri dönüş səfəri zamanı ABŞ Prezidenti Donald Tramp ilə telefon danışığı aparıb. Tərəflər İranın “indi danışıqlar masasına qayıtmalı olduğu” və nüvə silahına sahib olmamalı olduğu məsələsində razılığa gəlib, Merts həmçinin bildirib ki, İran “Hörmüz boğazını açmalıdır”.

ABŞ Prezidenti Donald Tramp İranın raket buraxılış qurğularının böyük hissəsini hələ də saxladığına dair məlumatları “saxta xəbər” adlandırıb. Tramp bildirib ki, əksər raket qurğuları artıq məhv edilib və ABŞ yenidən İrana qayıdarsa qalanları da sürətlə “sıradan çıxaracaq”.

ABŞ Prezidenti Donald Tramp İranla bağlı tənqidi sualdan sonra jurnalistə sərt reaksiya verərək, onu “saxta adam” adlandırıb və yazdıqlarını “xəyanət” adlandırıb. Tramp bildirib ki, ABŞ İranda tam hərbi qələbə qazanıb və yazdıqlarını redaktorların yönləndirdiyini, jurnalistin isə özündən utanmalı olduğunu vurğulayıb.

ABŞ Prezidenti Donald Tramp "Fox News" şəbəkəsinə müsahibəsində rəsmi Tehranın nüvə ambisiyalarına qarşı ən sərt xəbərdarlıqlarını ünvanlayıb. Prezident bildirib ki, İranın nüvə silahına sahib olmasına icazə verilməyəcək, çünki onun fikrincə, İran rəhbərliyi bu silahı İsrailə, Yaxın Şərqə və Avropaya qarşı istifadə edəcək qədər "divanədir". VOA xəbər verir ki, Tramp həmçinin əlavə edib ki, əgər İran nüvə bombasına sahib olsa, ondan ABŞ-a qarşı da istifadə edəcək.

ABŞ sabiq Prezidenti Donald Tramp bildirib ki, Çin Prezidenti Si Cinpin Vaşinqton və Tehran arasında gərginlik davam etdiyi bir vaxtda Hörmüz boğazının açılmasına kömək etməyə hazır olduğunu deyib.

Hizbullah İsrail və Livan arasında Vaşinqtonda keçirilən danışıqları tənqid edərək, onları davam edən hərbi əməliyyatlar fonunda “pulsuz güzəştlər” kimi qiymətləndirib.Tərəflər sonuncu dəfə aprelin 23-də Ağ Evdə görüşmüşdülər. Həmin görüşdə ABŞ Prezidenti Donald Tramp İsrail və Livan arasında atəşkəsin üç həftə uzadıldığını açıqlamış və iki ölkə arasında irəliləyiş əldə olunacağına ümid etdiyini bildirmişdi.

ABŞ Dövlət katibi Marko Rubio bildirib ki, Vaşinqton İran məsələsində Çinin köməyinə ehtiyac duymur və Pekindən bu istiqamətdə yardım istəmir. Rubio, NBC-yə verdiyi müsahibədə, ABŞ və Çin liderlərinin Hörmüz boğazı ilə bağlı ortaq mövqe müəyyənləşdirdiklərini qeyd edib. O, həmçinin İranın nüvə silahı sahəsindəki fəaliyyətinə qarşı olduqlarını və boğazın hərbiləşdirilməsini qəbul etmədiklərini vurğulayıb.

ABŞ Ağ Evi, Prezident Donald Tramp və Çin Prezidenti Si Cinpin arasında Yaxın Şərqdəki münaqişə ilə bağlı aparılan müzakirələr barədə əlavə məlumat verib. Ağ Evin açıqlamasına görə, iki lider “İranın heç vaxt nüvə silahına malik olmaması” məsələsində razılığa gəliblər.

ABŞ və Çin rəhbərlərinin İran məsələsinə yanaşmaları bir-birinə yaxın görünmür. Buna baxmayaraq, Prezident Donald Tramp Pekinin iranlıları Hörmüz boğazını yenidən açmağa və ABŞ ilə genişmiqyaslı razılaşmaya gəlməyə razı sala biləcəyinə ümid edir.

ABŞ Prezidenti Donald Trampın Çinə rəsmi səfəri çərçivəsində tərəflər arasında mühüm regional və iqtisadi məsələlər müzakirə olunub. Tramp və Si Cinpin enerji axınının kəsintisiz və sərbəst şəkildə davam etməsi üçün Hörmüz boğazının açıq qalmasının vacibliyi barədə razılığa gəliblər.