Livanın cənubunda gərginlik artmaqda davam edir. Analitiklər hesab edirlər ki, İsrailin son dövrlər həyata keçirdiyi intensiv hücumlar Baş nazir Benyamin Netanyahunun həm Qəzza cəbhəsində, həm də daxili siyasi müstəvidə artan təzyiqlərdən yayınmaq cəhdi ilə birbaşa bağlıdır. Son günlər Sidqin, Ayn əl-Ədisə və Bint Cübeyl bölgələrində pilotsuz uçuş aparatları və ağır artilleriya vasitəsilə həyata keçirilən zərbələr İsrailin planlı eskalasiya siyasətinə işarə edir. Hücumlar həm Hizbullah-a, həm də beynəlxalq ictimaiyyətə strateji mesaj xarakteri daşıyır.

Qəzza zolağının cənubundakı Xan Yunis şəhərində HƏMAS-ın yüksək rütbəli polis zabiti silahlı hücum nəticəsində öldürülüb. HƏMAS-a bağlı Daxili İşlər Nazirliyinin yaydığı məlumata görə, naməlum şəxslər hərəkətdə olan avtomobildən atəş açaraq Xan Yunis cinayət axtarış şöbəsinin rəisi Mahmud əl-Astalı qətlə yetiriblər. HƏMAS rəhbərliyi bu hücumda "İsrail əməkdaşlarını" ittiham edib. Hücumun məsuliyyətini Xan Yunisin şərqində, İsrailin nəzarəti altındakı bölgədə fəaliyyət göstərən anti-HƏMAS qruplaşmasının lideri Hüsam əl-Astal öz üzərinə götürüb. O, sosial şəbəkə hesabında paylaşdığı videoda HƏMAS ilə əməkdaşlıq edənləri hədələyərək hücumların davam edəcəyini bildirib. İsrail hərbi rəsmiləri isə ərazidə hər hansı əməliyyatdan xəbərsiz olduqlarını bəyan ediblər.

Gələn həftə Qahirədə HƏMAS nümayəndə heyəti ilə Qəzza atəşkəs sazişinin ikinci mərhələsini irəlilətmək məqsədilə danışıqlar aparılacaq. Səfərin əsas mövzusu texnokrat komitənin tərkibinin müəyyənləşdirilməsi və sazişin icrasının irəlilədilməsi olacaq. Görüşə HƏMAS-ın baş danışıqlısı Xəlil əl-Hayya rəhbərlik edəcək, lakin dəqiq tarix açıqlanmayıb. Fatah-a yaxın mənbələr Misirin vasitəçilik rolunun önəmli olduğunu, xüsusilə İsrail Baş naziri Benyamin Netanyahunun yaratdığı maneələr qarşısında əhəmiyyətli olduğunu bildiriblər. Netanyahu Rəfah sərhəd keçidinin yalnız Qəzza-dakı son israilli girovun, Ran Gvili-nin, qaytarılmasından sonra açılacağını açıqlayıb.

İsrail və Somaliland tərəfləri ikitərəfli münasibətlərin inkişaf etdirilməsi barədə bəyanatla çıxış ediblər. Somalidən birtərəfli qaydada ayrıldığını elan edən Somaliland regionunun rəhbəri Abdirahman Məhəmməd Abdillahi və İsrailin xarici işlər naziri Gideon Saar Somalilandın mərkəzi Hargeysada birgə mətbuat konfransı keçiriblər.

Türkiyə Prezidenti Rəcəb Tayyib Ərdoğan Ankaranın ABŞ-ın rəhbərliyi ilə həyata keçirilən F-35 döyüş təyyarələri proqramına yenidən qaytarılmasının vacib olduğunu bəyan edib.Ərdoğan bu fikirləri Bloomberg agentliyinə müsahibəsində səsləndirib. Onun sözlərinə görə, Türkiyə artıq ödənişini etdiyi F-35 təyyarələrini almalı və proqramdakı iştirak hüquqları bərpa olunmalıdır.

ABŞ-ın Venesuela Prezidenti Nikolas Maduronun zorla ölkədən çıxarıldığını açıqlamasından bir neçə saat sonra İsrail siyasətçisi Yair Lapid Tehrana açıq xəbərdarlıq edib. O bildirib ki, İran hakimiyyəti Venesuelada baş verənlərə diqqətlə baxmalıdır. Analitiklərin fikrincə, ABŞ Prezidenti Donald Trampın Maduronu hakimiyyətdən kənarlaşdırması Vaşinqtonun İranla müharibə ehtimalını daha da artırır. Bu addım Trampın İsrailin Baş naziri Benyamin Netanyahu ilə görüşündən və İrana qarşı yeni zərbələr endirilə biləcəyi barədə açıqlamalarından az sonra baş verib.

Kolombiya Prezidenti Gustavo Petro ABŞ-ın Venesuelaya hərbi müdaxiləsini tənqid edib və belə bir hərəkətin dünya tarixində hətta “diktatorlar” tərəfindən belə edilmədiyini bildirib. Petro ABŞ mərkəzli X şirkətinin sosial media hesabından paylaşımında vurğulayıb ki, ABŞ insanlıq tarixində bir Cənubi Amerika ölkəsinin paytaxtını bombalayan ilk ölkədir. “Ne (İsrail Baş Naziri Binyamin) Netanyahu, ne (Nazi diktator Adolf) Hitler, ne (İspan diktatoru Francisco) Franco, ne də (Portuqaliya diktatoru Antonio de Oliveira) Salazar bunu etdi.” - deyə o qeyd edib.

Netanyahu əlavə edib ki, İranda baş verənlər “sürətli və dramatik” xarakter daşıyır və bu hadisələr “iranlıların taleyini öz əllərinə aldıqları həlledici məqam” ola bilər. Məlumat üçün bildirək ki, i, İranda etirazlar ötən bazar günü mağaza sahiblərinin iqtisadi vəziyyətə etiraz olaraq iş dayandırması ilə başlayıb. Sonradan aksiyalar genişlənərək daha çox şəhəri əhatə edib və iştirakçıların irəli sürdüyü tələblər siyasi məzmun alıb.

Tehranın mərkəzində yerləşən Böyük Bazar ərazisində etiraz aksiyaları ikinci həftəsinə daxil olub. Dünən səhər yayılan görüntülərdə paytaxtın mərkəzində, bazara yaxın ərazilərdə toplaşan etirazçıların dağıdılması üçün gözyaşardıcı qazdan istifadə edildiyi, yan küçələrin bağlandığı və gücləndirilmiş təhlükəsizlik tədbirlərinin tətbiq olunduğu görünür.

İsrailin Baş naziri Benyamin Netanyahu Qəzzada atəşkəs razılaşmasının ikinci mərhələsinə keçidlə bağlı təhlükəsizlik üzrə məsləhətləşmə toplantısı keçirəcək.

İsrail ABŞ-ın Venesuelaya qarşı həyata keçirdiyi hərbi əməliyyat və ölkə prezidenti Nikolas Maduronun saxlanılması ilə bağlı iddialara münasibət bildirib. İsrailin xarici işlər naziri Gideon Saar sosial şəbəkə üzərindən yaydığı açıqlamada ABŞ-ın Venesuelada həyata keçirdiyi addımları “təqdir etdiklərini” və “əziyyət çəkən Venesuela xalqının yanında olduqlarını” bəyan edib. Saar bildirib ki, ABŞ Prezidenti Donald Tramp rəhbərliyi altında Vaşinqton “azad dünyanın lideri kimi hərəkət edir”. O, İsrailin Maduro hakimiyyətinin devrilməsini müsbət qiymətləndirdiyini və gələcəkdə İsrail ilə Venesuela arasında dostluq münasibətlərinin qurulacağına ümid etdiklərini qeyd edib.

HƏMAS hərəkatının rəhbərliyinə yaxın mənbələr İsrailin Qəzza zolağında hərəkatın silahlanması ilə bağlı iddialarını “qorxu yaratmaq məqsədli şişirtmə” kimi qiymətləndirib. Mənbələr HƏMAS-ın Qəzzada malik olduğu silahların əsasən yüngül atıcı silahlardan ibarət olduğunu və İsrail üçün real hərbi təhlükə yaratmadığını bildirib. Qeyd olunub ki, bu silahlar yalnız müdafiə məqsədi daşıyır və 2023-cü il 7 oktyabr hadisələri kimi genişmiqyaslı əməliyyatlar üçün yararlı deyil.

İsrail mətbuatı İsrail və ABŞ-nin Qəzza zolağında atəşkəs razılaşmasının ikinci mərhələsinə keçidlə bağlı razılıq əldə etdiyini iddia edib. Bildirilir ki, İsrailin Baş naziri Benyamin Netanyahu Qəzza ilə bağlı razılaşmanın ikinci mərhələsinə keçidi nəzərdə tutan ABŞ administrasiyası ilə əldə olunan razılaşmalardan sonra Tel-Əvivə qayıdıb.

2026-cı ildə dünya üzrə 40-dan çox ölkədə ümummilli səviyyədə seçkilər keçiriləcək. Bu ölkələrdə yaşayan insanların ümumi sayı təxminən 1,6 milyard nəfərdir. Prezident, parlament və ümumi seçkilər bir çox ölkədə daxili idarəetməni, iqtisadi kursu və beynəlxalq ittifaqları yenidən formalaşdıracaq. Mütəxəssislərin fikrincə, bu seçkilərin nəticələri dünya əhalisinin təxminən beşdə birinin gələcək siyasi istiqamətinə təsir göstərəcək. Aşağıda 2026-cı ildə aylar üzrə keçirilməsi planlaşdırılan əsas seçkilər və onların mümkün siyasi nəticələri təqdim olunur.

Somaliland İsrailin hərbi bazalarının öz ərazisində yerləşdirilməsi və Qəzzadan didərgin salınmış fələstinlilərin bölgəyə köçürülməsi ilə bağlı razılaşmanın əldə edilməsi barədə yayılan iddiaları rədd edib.Somaliland bu iddiaları əsassız adlandıraraq bildirib ki, İsraillə təmaslar yalnız diplomatik xarakter daşıyır və beynəlxalq hüquqa tam hörmət çərçivəsində aparılır.

İsrail ordusunun Baş Qərargah rəisi Eyal Zamir 2026-cı ili ölkənin təhlükəsizliyi baxımından “həlledici il” adlandıraraq, İsrailin Fələstinin “HƏMAS” hərəkatını tərksilah etmək niyyətində qətiyyətli olduğunu bəyan edib.

İran ABŞ-nin ölkənin nüvə obyektlərinə mümkün hücum təhdidlərinin qlobal nüvə silahlarının yayılmasının qarşısının alınması rejimi baxımından ciddi nəticələr doğura biləcəyini bildirərək Beynəlxalq Atom Enerjisi Agentliyinə (MAQATE) rəsmi müraciət ünvanlayıb.

“Əqsa tufanı” əməliyyatından sonra Qəzzada baş verən müharibə və onun regional nəticələri Türkiyə ilə İsraili qarşı-qarşıya gətirdi. Bu, xüsusilə Suriyada daha çox hiss olunan, birbaşa yox, dolayısı ilə gedən rəqabət və gərginlik mühitidir. Son dövrlərdə tərəflərin addımları isə göstərir ki, onlar tədricən rəqib – hətta müəyyən səviyyədə üz-üzə dura biləcək – bloklar və ittifaqlar formalaşdırmağa başlayırlar.

ABŞ Müdafiə Nazirliyi (Pentagon) İsrailin F-15IA qırıcı təyyarələri proqramı çərçivəsində “Boeing” şirkəti ilə 8,6 milyard dollarlıq müqavilənin bağlandığını açıqlayıb. Müqavilə İsrail Hərbi Hava Qüvvələri üçün 25 ədəd yeni F-15IA təyyarəsinin layihələndirilməsi, inteqrasiyası, sınaqları, istehsalı və təhvil verilməsini, eyni zamanda əlavə 25 təyyarə üçün opsionu əhatə edir.

ABŞ Prezidenti Donald Tramp Türkiyə qoşunlarının Qəzza zolağında yerləşdirilməsinə etiraz etməyəcəyini bildirib. O, bu mövqeyini İsrailin Baş naziri Benyamin Netanyahu ilə Florida ştatının Vest Palm Biç şəhəri yaxınlığında yerləşən Mar-a-Laqo malikanəsində keçirilən danışıqların əvvəlində jurnalistlərin suallarını cavablandırarkən açıqlayıb.

ABŞ prezidenti Donald Tramp bildirib ki, Suriya prezidenti Əhməd əl-Şəraa ilə İsrailin baş naziri Beniyamin Netanyahu arasında razılaşmanın əldə olunması üçün çalışacaq. Bununla yanaşı, Tramp HƏMAS-ı silahdan imtina etmədiyi təqdirdə ağır nəticələrlə, İranı isə nüvə proqramını bərpa etməyə cəhd göstərərsə yeni hücumlarla hədələyib.

ABŞ Prezidenti Donald Tramp İsrailin Baş naziri Benyamin Netanyahu ilə planlaşdırılan görüşü ərəfəsində mətbuat nümayəndələrinə açıqlamasında İranla bağlı diqqətçəkən bəyanatlar səsləndirib. Tramp İranın yenidən hərbi və siyasi potensialını bərpa etməyə çalışdığına dair məlumatlar aldıqlarını bildirib. ABŞ prezidenti qeyd edib ki, belə bir ssenari təsdiqlənərsə, Vaşinqton buna sərt cavab vermək məcburiyyətində qala bilər.

İsrailin baş naziri Benyamin Netanyahu bazar ertəsi ABŞ-nin Florida ştatında Donald Trampla görüşəcək. Görüş Vaşinqtonun kövrək Qəzza atəşkəsi planının növbəti mərhələsinə keçidi sürətləndirməyə çalışdığı bir vaxta təsadüf edir. Ağ Evdən bildirilib ki, tərəflər yerli vaxtla saat 13:00-da (GMT ilə 18:00) Trampın Mar-a-Laqo iqamətgahında bir araya gələcəklər. Məlumata görə, görüş Netanyahunun xahişi ilə təşkil olunub.

İsrailin Baş naziri Binyamin Netanyahu ABŞ-yə səfəri zamanı Qəzza zolağında əlavə hərbi əməliyyat üçün Vaşinqtondan dəstək istəyə bilər. Məlumata görə, Netanyahu ABŞ Prezidenti Donald Trampla danışıqlar aparmağı planlaşdırır. Bildirilir ki, o, sülh planının növbəti mərhələsinə razılıq verməzdən əvvəl ABŞ-nin mövqeyini təmin etməyə çalışacaq. Bu barədə “CNN” mənbələrə istinadən məlumat yayıb.